Dýatlon jeńimpazdary atanǵan astanalyq otbasylarǵa Ystyqkólge joldamalar tapsyryldy
ASTANA. QazAqparat- Astanada «Otbasylyq dýatlon» ótti. Ata-analar men balalarǵa arnalǵan jarys Astana Triatlon Park kesheniniń aýmaǵynda uıymdastyryldy, dep habarlaıdy astana.kz.
Jarys bastalmas buryn nusqaýshylar qatysýshylarǵa jattyǵý jasatty. Dýatlonǵa qQatysýshylar eki sanatta jarysty: 9-11 jáne 12-14 jastaǵy balalary bar otbasylar. Otbasy músheleri jeke qashyqtyqtardy baǵyndyrdy - ákeler 2 km, analar velosıpedpen 2 km, al balalar 500 metrge júgirdi.
Dýatlonǵa Sport jáne dene shynyqtyrý basqarmasynyń basshysy Berik Marjyqpaev ta óz otbasymen qatysty.
9-11 jastaǵy balalary bar otbasylardyń arasynda Ponomarevtar otbasy top jardy, ekinshi jas sanatynda Jaqsylyqovtar jeńimpaz atandy. Jarys jeńimpazdary Ystyqkólge joldamalarǵa ıe boldy. Ekinshi oryn alǵan astanalyqtar CrossfitCentre abonement aldy, úshinshi oryn alǵandarǵa velosıpedter tabystaldy. Sonymen qatar, jarys sońynda lotereıa oınatylyp, velosıped tabystaldy.
- Kúıeýimmen jáne balalarymmen trıatlonmen bir jarym jyldan beri aınalysyp júrmiz. Aldymen Ortalyq saıabaqqa baryp júrdik, sodan keıin AstanaTriatlonpark salyndy. Elordada osyndaı sharalardyń uıymdastyrylatyny jaqsy. Aldaǵy ýaqytta kóptegen jarystar ótedi, búkil otbasymyzben qatysamyz, - deıdi Raýshan Saǵyntaeva. Aıta ketsek,onyń otbasy 12-14 jas sanatynda 1-oryn jáne 9-11 jas sanatynda 2-oryn aldy.
