Dýaldyq júıe kolledj stýdentteriniń jumysqa ornalasý kórsetkishin edáýir arttyrady

ASTANA. QazAqparat - Sońǵy 3 jylda tehnıkalyq jáne kásiptik bilim berý mekemeleri túlekteriniń jumysqa ornalasý kórsetkishi 10 paıyzǵa artty.

QR BǴM kásibı-tehnıkalyq jáne orta bilimnen keıingi bilim berý departamentiniń málimetinshe, eger 2011 jyly ol 60 paıyz, al 2013 jyly 70,5 paıyzdy qurady. Jumysqa ornalasqan túlekter sany 2011 jyly 50025 bolsa, al 2013 jyly ol 1 paıyzǵa artyq 54561 adamǵa jetken.

Jalpy, mınıstrlik aqparatyna sáıkes, bolashaqta mektepterde 10-11 synyptarda elektıvtik kýrstar engizý, oqýyn jalǵastyrmaǵan mektep túlekterin mindetti áskerı qyzmetke jiberý, ulttyq biliktilik júıesin jetildirý, kolledjder men joǵary synyptarda kredıttik tehnologııa engizip, jastardyń úzdiksiz bilim alýyna jaǵdaı jasaý josparlanǵan.

Atap aıtqanda, sońǵy úsh jylda elimizdegi kásiptik-tehnıkalyq bilim berýge baǵyttalǵan bıýdjet qarajaty eki esege artyp otyr.

Vedomstvo derekterine súıensek, qazirgi tańda elimizdiń 850 kolledjinde 560 myńnan astam stýdent bilim alýda. Jyl saıyn 180 myń túlek eńbek naryǵyna shyǵady.

Sońǵy jyldary Qazaqstanda kadr daıarlaý máselesin sheshý úshin bilim salasyna bólingen qarajat mólsheri edáýir artqan. Máselen, bul kórsetkish 2014 jyly 1 trln. 497 mlrd teńgeni qurady.

Sońǵy úsh jylda kásiptik-tehnıkalyq bilim salasyna baǵyttalǵan bıýdjet qarajaty eki esege artty. Kolledjderdegi sheberhanalardy jabdyqtaýǵa arnalǵan qarajat 6 esege ulǵaıtyldy. 2014 jyly 200-den astam sheberhana men zerthanalardy jabdyqtaýǵa 5,5 mlrd. teńge qarastyrylyp otyr.

Dýaldyq júıe arqyly kolledjderge kóbirek kóńil bólinetin bolady. Osy oraıda Qazaqstanda dýaldy oqytý júıesin engizý suranysqa ıe mamandyqtardyń bedelin arttyrady. Máselen, dýaldy oqytý júıesinde stýdentter kolledjderde tek 20-30 paıyz ýaqytyn ótkizedi, qalǵan 70 paıyzyn óndiristiń basynda ótkizip, tájirıbe ústinde bilim alady. Eń negizgi qarjylyq shyǵyndardy ónerkásiptiń ózi moınyna alady. 2,5-3 jyldyq oqý aıaqtalǵannan soń, túlekter jumys izdeý mashaqatyn kórmeıtin bolady. Bul turǵyda jumysqa ornalasý úlesi shamamen 90 paıyzdyń ústinde bolady. Sonymen qatar qaıta daıyndyqtan ótkizýge qarajat jumsaýdy qajet etpeıdi.