Dýaldy oqytý júıesi ekonomıkaǵa qajetti mamandyqtardyń bedelin arttyrady

Máselen, dýaldy oqytý júıesinde stýdentter kolledjderde tek 20-30 paıyz ýaqytyn ótkizedi, qalǵan 70 paıyzyn óndiristiń basynda ótkizip, tájirıbe ústinde bilim alady. Eń negizgi qarjylyq shyǵyndardy ónerkásiptiń ózi moınyna alady. 2,5-3 jyldyq oqý aıaqtalǵannan soń, túlekter jumys izdeý mashaqatyn kórmeıtin bolady. Bul turǵyda jumysqa ornalasý úlesi shamamen 90 paıyzdyń ústinde bolady. Sonymen qatar qaıta daıyndyqtan ótkizýge qarajat jumsaý qajettilik etpeıdi.

Dıplom alysymen túlek óte bilikti maman bolyp shyǵady. Osy tusta aıta ketken jón, Qazaqstanda dýaldy oqytý júıesin engizý suranysqa ıe mamandyqtardyń bedelin arttyrady. Sebebi ol mamandardyń aldynda úlken jol ashylady. Atalǵan júıe eldiń eńbek naryǵyn joǵary bilikti mamandarmen qamtamasyz etýge septigin tıgizbek.

Osy oraıda dýaldyq júıe arqyly kolledjderge kóbirek kóńil bólinetin bolady. Búkilálemdik banktiń málimetterine qaraǵanda, dúnıedegi 192 eldiń tek 16 paıyzynda ǵana ekonomıkalyq ósim naqty kapıtaldyń arqasynda qamtamasyz etiledi. Al olardyń 20 paıyzy tabıǵı baılyqtarymen erekshelense, 64 paıyzynda ósim adamı resýrstardyń nátıjesinde qamtylady. Budan bólek, básekelestik aıasynda adamı resýrsty damytýǵa qatysty sońǵy jyldary álemdik deńgeıde ilgerileýshilik bar. Bundaı úrdisten Qazaqstan da shet qala almaıdy. Onyń ústine elimizde ındýstrııalandyrý saıasatynda tabysqa jetkizý máselesi de eń aldymen adamı resýrsqa, sonyń ishinde tehnıkalyq mamandyqtardyń jetkilikti sanymen qamtamasyz etýge qatysty bolmaq.