Dýaldy oqytý elimizdiń 100-den astam kolledjderine engiziledi - S. Ahmetov
ASTANA. 23 qańtar. QazAqparat - Qazaqstanda dýaldy oqytý júıesi 100-den astam kolledjge engiziledi. Búgin Aqordada Memleket basshysy N. Nazarbaevtyń qatysýymen 2012 jyldyń qorytyndysyna jáne «Qazaqstan -2050» strategııasyn júzege asyrýǵa arnalǵan Úkimettiń keńeıtilgen otyrysynda Premer-Mınıstr Serik Ahmetov osylaı málim etti.
Úkimet basshysynyń aıtýynsha, tehnıkalyq jáne kásibı bilim berý salasyn jańǵyrtý aıasynda bilim berý júıesindegi dýaldy oqytý damytylatyn bolady. Bul júıe jumys berýshilerdiń tikeleı qatysýymen kásiporyndarda teorııalyq jáne tájirıbelik oqytýlarynda qarastyrylatyn bolady. «Soǵan oraı, elimizdiń 100-den astam kolledjderinde dýaldy oqytý elementterin engizý boıynsha jumystar júrgizilýde», - deıdi S. Ahmetov.
