Dýa qaıtarmaq bolǵan alaıaqqa aldanǵan aqtóbelik polıtsııadan kómek surady
AQTÓBE. QazAqparat - Aqtóbede dýa qaıtarýǵa ýáde berip, altyn buıymdaryn aldap alyp ketken áıel ustaldy, dep habarlaıdy QazAqparat tilshisi.
Aqtóbe qalasynyń №2 Astana aýdandyq polıtsııa bólimine 52 jastaǵy turǵyn aryz túsirdi. Qala kósheleriniń birinde ornalasqan dúkende beıtanys áıel sózge tartyp, dýa qaıtarýǵa ýáde bergen. Sóıtip onyń altyn buıymdary men teledıdaryn aldap alyp ketken. Shyǵyn kólemi – 180 500 teńge.
«Kúdikti altyn buıymdardyń adam aǵzasyna zııan ekenin aıtyp, barlyq áshekeıin sheship alǵan. Sonymen qatar páterine baryp, teledıdaryn, aqshasyn alyp ketti. Jábirlenýshi balgermen sóılesken kezde psıhologııalyq táýeldilikke ushyrap, onyń bar aıtqanyn oryndadym dep otyr. Polıtsııa qyzmetkerleri jedel izdestirý kezinde 35 jastaǵy qala turǵynyn ustady. Odan teledıdar tárkilendi. Al altyn buıymdardy lombardqa tapsyryp úlgergen. Aqsha jumsalyp ketken. Qazir osy oqıǵa boıynda Qylmystyq kodekstiń «Alaıaqtyq» baby boıynsha is qozǵalyp, tergeý júrip jatyr», - dedi oblystyq PD baspasóz qyzmetiniń jetekshisi Erbolat Sarqulov.
Aıta keteıik, oblystyq polıtsııa departamenti dál osy jolmen aldanǵan aqtóbelikter bolsa №2 Astana aýdandyq bólimine habarlasýyn suraıdy.
