DSU Tájikstandy múshelikke qabyldaýǵa daıyn
ASTANA. 30 qazan. QazAqparat - Dúnıejúzilik saýda uıymy (DSU) Tájikstannyń osy uıymǵa kirý týraly ótinishine oń qaraıtynyn málim etti.
DSU-nyń habarlaýyna qaraǵanda, uıymǵa múshe barlyq memleketter tájik jumysshy toby qaraýǵa usynǵan qujattardy maquldaıdy degen boljam bar, dep habarlaıdy «Azattyq».
Tájikstannyń DSU quramyna qabyldaý týraly naqty sheshim 11-12 jeltoqsanda ótetin uıymnyń basty keńesinde qabyldanýy tıis.
Tájikstan uıymǵa kirýge 2001 jyldan beri talpynyp keledi. Eger Dýshanbe barlyq talapty oryndap, ótinishi qabyldanar bolsa, onda 2013 jyldan bastap uıymnyń tolyqqandy múshesi atanady.
