DSU komıtetiniń otyrysy alǵash ret Qazaqstannyń tóraǵalyǵymen ótti

Aǵymdaǵy jylda Qazaqstan DSU múshesi bolǵannan keıin alǵash ret Uıymnyń mańyzdy Komıtetteriniń birin basqardy, dep habarlaıdy QR SІM baspasóz qyzmeti.

Otyrysqa BUU Azyq túlik jáne aýylsharýashylyq uıymy (FAO), BUU Saýda jáne damý konferentsııasy (ıÝNKTAD), BUU-nyń Qorshaǵan orta jónindegi baǵdarlamasy (ıÝNEP), Ekonomıkalyq yntymaqtastyq jáne damý uıymy (OESR), Standarttaý boıynsha halyqaralyq uıym (ISO), Klımattyń ózgerýi boıynsha BUU Konventsııasy (RKIK) jáne barlyq DSU múshe memleketteriniń ókilderi qatysty.

Keńesti asha otyryp, J.Aıtjanova osy jyldyń jeltoqsan aıynda Býenos-Aıreste (Argentına) ótetin 11-shi DSU Mınıstrlik konferentsııanyń qorytyndy kujattaryn zerdelý maqsatynda saýda jáne qorshaǵan orta arasyndaǵy ekijaqty qarym-qatynastardyń mańyzdylyǵyn atap ótip, qatysýshylardy ashyq jáne belsendi pikirtalasqa shaqyrdy.

Otyrys barysynda DSU hatshylyǵy ókiliniń DSU alańynda ótken kelissózder jaıly baıandamasy tyńdaldy. Júrgizilgen kelissózderdiń negizgi maqsaty balyqtardyń belgili túrlerin aýlaýǵa bólinetin qarajatqa tyıym salý jaıly kópjaqty kelisimderge kelý bolyp tabylady. Shamadan tys balyq aýlaýǵa jáne balyq aýlaýdyń deńgeıin arttyratyn, zańsyz, tirkelmegen jáne rettelmegen balyq aýlaýǵa bólinetin qarajatqa tyıym salynady dep kútilýde. Bul kelissózderdiń DSU músheleri arasynda belsendi talqylanyp jatqany, jáne olardyń sátti aıaqtalýy DSU Mınıstrlik konferentsııasynyń eń mańyzdy nátıjeleriniń biri bolatynyn atap ótildi.

Sondaı-aq, Avstralııa ókili ekologııalyq taýarlar jaıly plıýrırateraldyq Kelisimge qol qoıý boıynsha kelissózder úderisi týraly qysqasha baıandama jasady. Kelisim ákelingen taýarlarǵa jáne jabdyqtarǵa qatysty kedendik bajdardy joıýǵa baǵyttalǵan. Bul, óz kezeginde, shaǵyn jáne orta bıznes sýbektilerine «jasyl» tehnologııalarǵa qoljetimdiligin jaqsartady jáne jańartylǵan energııa kózderi aıasyndaǵy jobalardy damytýǵa qosymsha yqpal etedi.

Kezdesý barysynda FAO ókili zańsyz, tirkelmegen jáne rettelmeıtin balyq aýlaýǵa qarsy kúres týraly Uıymnyń jobalarymen habardar etti. Zańsyz balyq aýlaý máselesin qadaǵalaýdy jedel qolǵa alý qajettiligi DSU músheleriniń birqatar delegatsııalary arasynda qoldaý tapty, jáne olar osy óndiriske balyq aýlaýdyń 30 % nemese 10-23 mlrd AQSh dollary tıesili ekeni habarlady.

Kún tártibindegi taǵy bir mańyzdy máselelerdiń biri - Parıj klımat kelisimin iske asyrý úderisine arnaldy. RKIK ókili otyrysqa qatysýshylardy klımat boıynsha jalǵasyp jatqan halyqaralyq talqylaý barysymen tanystyryp ótti. Búgingi tańda 148 el Parıj kelisimin ratıfıkatsııalady, endigi basty mindet ony iske asyrý jónindegi jumys baǵdarlamasyn pysyqtaý bolyp tabylady.

Osy segment aıasynda Koreıa Respýblıkasy, Jańa Zelandııa jáne Perý ókilderi Parıj kelisiminde kórsetilgen mindetterge qol jetkizý maqsatynda Naqty ulttyq salymdar dep atalatyn ortaq josparlaryn usyndy.

Qazaqstan delegatsııasy otyrysqa qatysýshylardy Parıj kelisimin iske asyrý boıynsha óz bastamalarymen tanystyryp, Astanada «Bolashaq energııasy» taqyrybymen «EKSPO-2017» kórmesi ótip jatqanynan  habardar etti. Sonymen qatar, delegatsııa múshelerin «EKSPO-2017» sheńberinde «Energetıkanyń turaqty damýyn qamtamasyz etý» atty Mınıstrlik konferentsııasynyń ótkeni jáne «Jasyl» tehnologııalar men ınvestıtsııalardyń halyqaralyq ortalyǵyn Astanada ashý týraly sheshim qabyldanǵany týraly aqparatty qatysýshylarǵa jetkizdi.

 Saýda jáne qorshaǵan ortany qorǵaý jónindegi DSU uıymynyń kezekti otyrysy 2017 jyldyń qarasha aıyna josparlanýda.