DSU-ǵa kirmesten-aq bizdiń ekonomıkamyz jahandyq ekonomıkaǵa yqpaldasyp úlgerdi - J.Aıtjanova
ASTANA. 24 mamyr. QazAqparat - Dúnıejúzilik saýda uıymyna formaldy túrde kirmesten-aq bizdiń ekonomıkamyz jahandyq ekonomıkamen baıaǵyda yqpaldasyp úlgerdi.
Búgin 5-shi Astana ekonomıkalyq forýmy aıasynda ótken ekonomıkalyq yqpaldasý máselelerine arnalǵan sessııa barysynda QR Ekonomıkalyq ıntegratsııa isteri jónindegi mıınstri Janar Aıtjanova osylaı málim etti.
«Biz búkil álemmen saýda-sattyq jasaımyz. EýroOdaqqa múshe 27 el Qazaqstannyń basty saýda áriptesi bolyp tabylady. Bul degenińiz bizdiń EO elderi jáne bizdiń elder qabyldaǵan ereje boıynsha jumys isteýimiz qajet degendi bildiredi. Biz saýda-sattyq júrgizý standarttaryn úndestirýimiz qajet», - dedi ol.
Sonymen qatar ol qazirdiń ózinde Qazaq eli 130 mlrd. dollardan astam tikeleı sheteldik ınvestıtsııa tartqandyǵyn basa aıta kele: «Negizgi ınvestor elder alys shet elder - EO men AQSh jáne Keden odaǵy elderi bizdiń áriptesimiz bolyp tabylady», - dedi ol.
