DSU epıdemııa toqtalǵanyn jarııa etkennen keıin bir boıjetken Eboladan qaıtys boldy (FOTO)
ASTANA. QazAqparat - Serra-Leonede Ebola dertin synaý ortalyǵynyń resmı ókilderi eldiń soltústiginde Eboladan boıjetkenniń qaıtys bolǵanyn dáleldedi dep jazady newsru.com. Bul oqıǵa Dúnıejúzilik densaýlyq saqtaý uıymy «Batys Afrıka Eboladan qutyldy» degennen keıin birneshe saǵattan soń oryn aldy.
Aýrýdy zerthanalyq jolmen tekserýdi brıtan mamandary júrgizgen.
Áıel adam Tonkolılı okrýginde kóz jumdy. Munda ol Kambııadan, Gvıneıamen shekaraǵa jaqyn ornalasqan aýdannan kelipti. Endi densaýlyq saqtaý mınıstrligi qyzmetkerleri onymen aralasqan, baılanysta bolǵan adamdardy izdep jatyr.
Buǵan deıin álemdik BAQ Lıberııa, Serra-Leone jáne Gvıneıada Ebola dertin eshkimniń juqtyrmaǵanyna 42 kún ótti, dep jarııalaǵan edi. Qazir densaýlyq saqtaý salasyndaǵy sarapshylar derttiń kúsheıý múmkin ekendigin eskertip, turǵyndardy saqtanyp júrýge shaqyrady.
