DSU Ebolanyń álemde taralý qaýpin baǵalady
ASTANA. KAZINFORM – Kongo Demokratııalyq Respýblıkasy men Ýgandada Ebola vırýsynyń taralý qaýpi ulttyq jáne aımaqtyq deńgeıde joǵary, bul rette jahandyq qaýip tómen bolyp qalyp otyr. Bul týraly Dúnıejúzilik densaýlyq saqtaý uıymynyń (DSU) bas dırektory Tedros Adhanom Gebreıesýs málimdedi, dep habarlaıdy Kazinform.
Sársenbi kúni Jenevada DSU Tótenshe jaǵdaılar jónindegi komıtetiniń otyrysy ótti, onda uıym basshysy búginde Ebola vırýsyn juqtyrý dep shamalanǵan 600-ge jýyq oqıǵa jáne 139 ólim tirkelgenin málimdedi.
Onyń aıtýynsha, Kongo DR soltústik provıntsııalarynda 51 jaǵdaı rastalǵan, alaıda eldegi epıdemııanyń naqty aýqymy áldeqaıda úlken.
Kongo DR-da jumys istep, Germanııaǵa evakýatsııalanǵan amerıkalyq azamattyń da vırýs juqtyrǵany rastaldy. Tedros Adhanom Gebreıesýs úlken alańdaýshylyq týdyratyn birneshe faktordy keltirdi.
- Birinshiden, vırýstyń uzaq merzimdi taralýyn eskere otyryp, indet anyqtalǵanǵa deıingi kezeńde bul sandardyń artýyn shamalaımyz. Ekinshiden, epıdemııa keń aýmaqqa taraldy: naýqastar birneshe qalalyq aglomeratsııada anyqtalyp jatyr. Úshinshiden, medıtsına qyzmetkerleriniń ólimi tirkeldi, bul vırýstyń medıtsınalyq kómek kórsetý kezinde taralyp jatqanyn kórsetip otyr. Tórtinshiden, epıdemııa aımaǵynda halyqtyń qarqyndy qozǵalysy baıqalyp otyr. Sońynda, besinshiden, epıdemııany ebolavırýstardyń biri - Býndıbýgıo vırýsy týdyrady, oǵan qarsy vaktsınalar nemese dári-dármekter tirkelmegen, - dep málimdedi ol.
Sarapshylar atap ótkendeı, Býndıbýgıo vırýsy basqa Ebola vırýsynyń basqa túrlerine qaraǵanda ólimge kóbine ákelmeıtin bolsa da, sırek kezdesýi onymen kúresýdiń quraldary az ekenin bildiredi.
Qazirgi ýaqytta Býndıbýgıo vırýsyna qarsy vaktsına joq, biraq eksperımenttik preparattar ázirlený ústinde.
DSU baǵalaýynsha, Ebolanyń belgili bir shtamyna qarsy vaktsınanyń qoljetimdi bolýy úshin toǵyz aıǵa deıin ýaqyt ketýi múmkin.
DW jazýynsha, qazirgi indet Kongo Demokratııalyq Respýblıkasyndaǵy 17-shi Ebola indeti boldy. Vırýstyń kóp taralýy 2025 jyldyń tamyz aıynda tirkeldi, sol kezde 34 adam qaıtys boldy. Eldegi eń iri indet 2018 jyldan 2020 jylǵa deıin sozyldy, sol kezde shamamen 2300 ólim jaǵdaıy tirkelgen. Jalpy alǵanda, sońǵy 50 jylda Afrıkada bul aýrýdan shamamen 15 myń adam qaıtys boldy.
Osyǵan deıin QR SІM Afrıkadaǵy ebola indetine baılanysty úndeý jasady.
Shetelge shyqqanda neni eskerý qajet ekenin myna materıaldan oqı alasyz.
