DSU basshysy Brıtanııa EO-dan shyǵatyn bolsa eksporttaýshylar 8 mlrd. dollardan aıyrylatynyn aıtty
ASTANA. QazAqparat - Eger Ulybrıtanııa turǵyndary referendýmda Eýroodaqtan eldiń shyǵýyna daýys berse, brıtandyq eksporttaýshylar 8 mlrd. dollarǵa deıin qarajattan aıyrylady, dep habarlady Gazeta.ru Dúnıejúzilik saýda uıymynyń (DSU) bas dırektory Roberto Azevedoǵa silteme jasap.
Sonymen birge ol EO-dan shyǵý sheteldik áriptestermen saýda toqtamaıdy, biraq ta ol Brıtanııa úshin «óte nashar jaǵdaıda ótýi múmkin» dep atap ótti.
Sondaı-aq DSU basshysy eger el uıymnan shyǵatyn bolsa, Brıtanııanyń EO-men saýda aınalymyn qalpynpa keltirýge qansha ýaqyt ketetinin ázirge baǵalaý múmkin emes, dep málimdedi. Onyń pikirinshe, kelissózder 10 jylǵa jáne odan da kóp ýaqytqa sozylýy múmkin.
Budan buryn, Brıtanııanyń EO-dan shyǵýyn jaqtaıtyndar sany 41 paıyzǵa deıin artqany habarlanǵan bolatyn.
Ulybrıtanııanyń Eýropalyq odaqqa músheligi týraly referendým 2016 jylǵy 23 maýsymda ótedi.
