DSU 2025 jyldyń álemdik saýda ósiminiń boljamyn arttyrdy
ASTANA. KAZINFORM – Dúnıejúzilik saýda uıymy (DSU) 2025 jylǵa arnalǵan jahandyq taýar saýdasynyń ósý boljamyn 2,4 paıyzǵa deıin kóterdi, bul tamyz aıynda jasalǵan 0,9 paıyzdyq boljamnan aıtarlyqtaı joǵary, dep habarlaıdy Sınhýa aqparat agenttigi.
Bul rette 2026 jylǵa arnalǵan boljam 1,8 paıyzdan 0,5 paıyzǵa deıin tómendetildi.
«Álemdik saýdanyń perspektıvalary men statıstıkasy» baıandamasynda sondaı-aq eksport pen ımporttyń ortasha máni retinde ólshengen jahandyq taýar saýdasy bıylǵy jyldyń birinshi jartyjyldyǵynda bir jylmen salystyrǵanda 4,9 paıyzǵa óskeni atap ótilgen.
DSU bul joǵary kórsetkishterdi birneshe faktormen túsindirdi, sonyń ishinde AQSh kedendik baj salyǵynyń ósýi aldynda Soltústik Amerıka elderinde ımporttyq taýarlar qorlarynyń artýy, ınflıatsııa qarqynynyń baıaýlaýy, qolaıly salyqtyq-bıýdjettik saıasat, damýshy naryqtardaǵy turaqty ósim jáne jasandy ıntellektimen baılanysty taýar saýdasy kóleminiń kúrt ósýi bar.
Sonymen qatar, baıandamada damýshy elder arasyndaǵy saýdanyń aıtarlyqtaı óskeni atap ótilgen. 2025 jyldyń birinshi jartyjyldyǵynda Ońtústik-Ońtústik jelisi boıynsha saýda kólemi qundyq mánde ótken jylmen salystyrǵanda 8 paıyzǵa ósip, álemdik ortasha kórsetkishtiń 6 paıyzdyq ósiminen asyp tústi.
Jahandyq JІÓ 2025 jyly 2,7 paıyzǵa, 2026 jyly 2,6 paıyzǵa ósedi dep kútilip otyr.
Kazinform úshin arnaıy Sınhýa seriktes agenttigi usynǵan.
Osyǵan deıin Qytaı halyq sanynyń azaıýyn ónerkásiptik robottarmen óteıtini týraly jazdyq.