DSU: 2014 jyly álemdik saýda kólemi 4,7 paıyzǵa ósedi
ASTANA. QazAqparat - 2014 jyly álemdik saýda kólemi 4,7 paıyzǵa ósedi. Bul týraly Dúnıejúzilik Saýda Uıymynyń boljamynda habarlandy.
Atalǵan kórsetkish 2013 jyldaǵy nátıjeden eki esege asyp otyr, ıaǵnı ol kezde álemdik saýdanyń kólemi 2,1 paıyzǵa ǵana artyp, 18,8 trln. dollar kórsetkishine jetti. Boljamdarǵa qaraǵanda, bıylǵy jyly eń jaqsy kórsetkishter damýshy elder men TMD memleketterinde baıqalady. Bul elderde saýda kólemi 6,4 paıyzǵa ósedi dep kútilýde. Al damyǵan memleketterde saýda deńgeıi 3,6 paıyzǵa artatyn kórinedi. Atap aıtqanda, Azııa memleketteri 2014 jyly ózge óńirlerge qaraǵanda óziniń eksporttyq kórsetkishterin edáýir joǵarylatpaq.
