DSM jumysyn bastaıtyn kınoteatrlarǵa qoıylatyn talaptar algorıtmin jarııalady
«Kınoteatrdyń jumysyna «jasyl aımaqqa» kiretin óńirlerde, epıdemıologııalyq jaǵdaıy turaqty, aýrý jaǵdaıy joq aımaqtarda ǵana ruqsat beriledi. Kınoteatrlarǵa barǵanda koronavırýstyń taralýyn boldyrmaý maqsatynda mınıstrlik belgili talaptar algorıtmin bekitti. Olar: kirý bıletin múmkindiginshe onlaın rejımde satý, zaldardyń tolýyn 30 paıyzdan asyrmaý, sonymen birge otyrǵyzý kezinde áleýmettik araqashyqtyq saqtalýy tıis. Sonymen qatar zaldardy dezınfektsııalaý úshin keminde 30 mınýttyq sessııalar arasynda úzilis saqtalýy kerek. Áleýmettik araqashyqtyq pen maska rejımi saqtalýy tıis. Nysan ashylǵanǵa deıin dezınfektsııa quraldaryn qoldana otyryp, jalpy tazartyp turý kerek. Kireberistegi qyzmetkerler kelýshilerdiń maska rejımin saqtaýynyń, dene qyzýynyń ólshenýine qamtamasyz etedi», - dedi Ajar Ǵınaıat OKQ-da ótken baspasóz máslıhatynda.
Vıtse-mınıstrdiń aıtýynsha kınoteatrdaǵy jeldetý jáne aýa baptaý júıeleri úzdiksiz jumys isteýi tıis.
«Kınoteatrlardyń báriniń jumysyn sanıtarlyq dárigerler tekserip, jekelep ruqsat beretin bolady. Eger barlyq sharalar saqtalsa, olardyń jumys júrgizýge ruqsat beriledi», - dedi ol.
Eske sala ketsek eki kún buryn QR Premer-Mınıstri Asqar Mamınniń tóraǵalyǵymen QR aýmaǵynda koronavırýs ınfektsııasynyń taralýyna jol bermeý jónindegi vedomstvoaralyq komıssııanyń (VAK) selektorlyq otyrysy ótip, eldegi kınoteatrlar jumysyn bastaıtynyn málim etken edi.