DSM jasyryn sport jarystarynyń ótkizilýine qatysty túsinikteme berdi
NUR-SULTAN. QazAqparat - Ortalyq kommýnıkatsııalar ortalyǵynda ótken onlaın brıfıngide QR DSM taýarlar men kórsetiletin qyzmetterdiń sapasy men qaýipsizdigin baqylaý komıtetiniń Tóraǵasy Tımýr Sultanǵazıev «qupııa» sport chempıonattaryn ótkizý týraly suraqqa jaýap berdi, dep habarlaıdy QazAqparat tilshisi.
Onlaın brıfıng barysynda fýtzal boıynsha Qazaqstan kýbogy jasyryn jarys ótkizip jatqandyǵy týraly suraq qoıyldy. Bul aqparat áleýmettik jelilerde qyzý talqylanýda. Komandalar oınaı bastady, biraq Federatsııadan nátıjelerdi jarııalamaý jáne týrnırlerdi jarnamalamaý týraly nusqaý alǵan. QR DSM taýarlar men kórsetiletin qyzmetterdiń sapasy men qaýipsizdigin baqylaý komıtetiniń Tóraǵasy Tımýr Sultanǵazıev bas sanıtarlyq dárigerdiń buıryǵy boıynsha sport komandalaryna daıyndalýǵa tyıym salynbaǵanyn atap ótti.
«Jumys isteıtin sport ǵımarattary bas sanıtarlyq dárigerdiń sheshimine sáıkes tekserilýi kerek. Karantın rejımin buzýdyń naqty faktileri boıynsha aqparat ortalyq apparat komıtetine tikeleı túsken joq. Eger mundaı jaǵdaı oryn alsa, qaýlyny qaı óńirdiń qandaı sport komandasy buzǵanyn aıtyp ótý kerek», - deıdi QR DSM taýarlar men kórsetiletin qyzmetterdiń sapasy men qaýipsizdigin baqylaý komıtetiniń Tóraǵasy Tımýr Sultanǵazıev.
Ol adamdar kóp jınalatyn sport sharalaryn uıymdastyrý týraly sóz qozǵaýǵa áli erte ekenin aıtty.
«Biz epıdemıologııalyq jaǵdaıdyń, ásirese shetelde, óte shıelenisti bolyp jatqanyn kórip otyrmyz. Kóptegen sport jarystar sheteldik sportshylardyń qatysýyn da kózdeıdi. Sportshylar arasynda da koronavırýs juqtyrǵan jaǵdaılar bolǵanyn bilemiz. Tıisinshe, búgingi tańda mundaı másele vedomstvoaralyq komıssııa deńgeıinde sheshiledi», - deıdi ol.
