DSM Ulttyq saraptama ortalyǵy dırektorynyń ústinen is qozǵaldy

ASTANA. QazAqparat - QR DSM Ulttyq saraptama ortalyǵynyń dırektory ustaldy.  Bul týraly búgin Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Nurlan Jahın málim etti, dep habarlaıdy QazAqparat tilshisi.

Onyń aıtýynsha, QR DSM Ulttyq saraptama ortalyǵynyń dırektory Pavlodar oblysynda «Dıhlormetan» hımııalyq dári-dármegin satyp alýǵa baǵany jónsiz kóterý arqyly 15 mln teńgeden astam aqsha qarajatyn jymqyrdy degen kúdikke ilikken.

Atalǵan dári-dármekti satyp alý boıynsha konkýrstyq komıssııasynyń tóraǵasy bola turyp jáne merdiger uıymmen sóz baılasyp, sońǵyǵa memlekettik satyp alý konkýrsy boıynsha jeńisti qamtamasyz etken. Odan keıin kórineý kóterilgen baǵa boıynsha dári-dármektiń jetkizilimine kelisimshartqa otyrǵan. Sodan keıin atqarylǵan jumys aktisine qol qoıyp, olarǵa tolyq kólemde aqsha qarajatyn tóleýdi qamtamasyz etken. Tergeý júrgizilýde», - dedi resmı ókil.