DSM ókili Ýhannan evakýatsııalanǵan stýdentter karantınnen qashan shyǵatynyn aıtty
NUR-SULTAN. QazAqparat - Aldaǵy jeksenbide Ýhannan evakýatsııalanǵan Qazaqstan stýdentteri karantınnen shyǵady. Bul týraly QR Densaýlyq saqtaý mınıstrliginiń resmı ókili Dıas Ahmetshárip aıtty, dep habarlaıdy QazAqparat tilshisi.
«11 aqpanda Qytaıdyń 36 qalasynan evakýatsııalanǵan 217 azamatymyz úsh kúndik tekserýden keıin dál qazir aýrýhanadan shyǵarylýda. Barlyǵynyń densaýlyǵy jaqsy. Analızderinde aýytqý joq. Ýhannan evakýatsııalanǵan stýdentterimiz osy aldaǵy jeksenbide karantınnen shyǵarylady. Dúısenbi, 17 aqpanda biz BAQ ókilderin sol stýdenttermen kezdesýge shaqyramyz. Olar barlyq jaǵdaıdy egjeı-tegjeıli baıandap beredi. Ýaqyty men ótkiziletin ornyn qosymsha habarlaıtyn bolamyz», - dedi Dıas Ahmetshárip.
