DSM medıtsınalyq qyzmet kórsetýshilerge qoıylatyn talaptardy kúsheıtip jatyr
ASTANA. KAZINFORM - QR Densaýlyq saqtaý mınıstrligi tegin medıtsınalyq kómektiń kepildendirilgen kólemi (TMKKK) jáne MÁMS sheńberinde kórsetiletin medıtsınalyq qyzmetterdi qarjylandyrý júıesinde qarjylyq tártip pen sapany baqylaý sharalaryn kúsheıtip jatyr.
QR Densaýlyq saqtaý mınıstrligi baspasóz qyzmetiniń habarlaýynsha, medıtsınalyq uıymdardy qarjylandyrýdy taldaý kórsetkendeı, jeke medıtsınalyq uıymdar sanynyń 2020 jyldan bastap - 635-ten 1 228-ge deıin ósýi jáne medıtsınalyq-sanıtarııalyq alǵashqy kómek kórsetýshiler sanynyń 215-ten 336-ǵa deıin ulǵaıýy medıtsınalyq kómektiń qoljetimdiligi men sapasynyń salystyrmaly túrde jaqsarýyna ákelgen joq.
Osyǵan baılanysty 2025 jylǵy 1 qańtardan bastap medıtsınalyq qyzmet kórsetýshilermen sharttarǵa alǵash ret ekonomıkalyq yqpal etý sharalaryn qoldana otyryp, ákimshilik kórsetkishterdi, medıtsınalyq-sanıtarııalyq alǵashqy kómek pen jedel medıtsınalyq kómekti qamtıtyn 11 sapa ındıkatory engizildi.
2025 jyldyń qorytyndysy boıynsha belgilengen ındıkatorlarǵa qol jetkize almaǵandarǵa 2,8 mlrd teńge, onyń ishinde ákimshilik kórsetkishter boıynsha - 2,1 mlrd teńge, MSAK boıynsha - 661 mln teńge jáne jedel medıtsınalyq kómek boıynsha - 19,2 mln teńge somasyna ekonomıkalyq yqpal etý sharalary qoldanyldy.
2026 jyly ındıkatorlardyń sany 15-ke deıin ulǵaıtyldy. 2025 jylǵy 1 shildeden bastap avtomatty baqylaýmen kórsetilgen medıtsınalyq qyzmetter monıtorınginiń elektrondyq júıesi engizildi.
Medıtsınalyq qyzmetterdiń tirkeýleri men qunyn arttyrý aqaýlar jikteýishinen shyǵaryldy jáne qarjylyq zańbuzýshylyqtarǵa teńestirildi, olar anyqtalǵan kezde materıaldar quqyq qorǵaý organdaryna jiberiledi. Sonymen, 2025 jyly 73 materıal jiberildi, onyń ishinde 60-y úı-jaılar boıynsha, al 2024 jyly mundaı jaǵdaılar 40-ty qurady. 2025 jylǵy 1 qazannan bastap naqty shyǵyndardy eskere otyryp, kúndizgi statsıonar qyzmetterine tarıfter qaıta qaraldy, bul shyǵyndardy 2,1 mlrd teńgege qysqartýǵa múmkindik berdi.
TMKKK sheńberinde kúndizgi statsıonar qyzmetterin ornalastyrý bekitilgen halqy bar uıymdardyń arasynda ǵana júzege asyrylady, nátıjesinde ónim berýshilerdiń sany eki esege azaıdy. Budan basqa, belsendi emes jáne saqtandyrylmaǵan halyq úshin MSAK-ty jan basyna shaqqandaǵy qarjylandyrý tetigi qaıta qaraldy. Nátıjesinde MSAK uıymyndaǵy ótinishterdiń sany 40%-ǵa nemese 2,2 mln adamǵa ulǵaıdy, al bosatylǵan qarajattyń kólemi 15 mlrd teńgeden asty. Bul rette bir jyldyń ishinde medıtsınalyq kómekke júginbegen patsıentterdiń sany 5,6 mln-nan 3,4 mln adamǵa deıin qysqardy. Bul rette medıtsınalyq kómekti qosarlanǵan qarjylandyrý, qarajatty maqsatsyz paıdalaný jáne patsıentterdiń tarapynan kórsetilgen qyzmetterdi rastaýdyń bolmaýy qaýipteri saqtalady. Osyǵan baılanysty mınıstrlik aqparattyq júıelerdi yqpaldastyrý, medıtsınalyq qyzmet alýdy tsıfrlyq rastaýdy engizý jáne lıtsenzııadan keıingi baqylaýdy kúsheıtý jóninde sharalar qabyldady.
- Іske asyrylyp jatqan sharalar densaýlyq saqtaýdyń ashyq jáne basqarylatyn júıesin qalyptastyrýǵa, TMKKK jáne MÁMS qarajatyn utymdy paıdalanýdy qamtamasyz etýge, sondaı-aq halyqqa medıtsınalyq kómektiń sapasy men qoljetimdiligin arttyrýǵa baǵyttalǵan, - delingen QR Densaýlyq saqtaý mınıstrliginiń baspasóz qyzmeti taratqan aqparatta.
Osyǵan deıin elimizde densaýlyq saqtaý júıesin jetildirýge arnalǵan keshendi sharalar qabyldanatyny týraly jazdyq.