DSM medıtsınalyq derekterdi bir platformadaǵy ortalyqtandyrylǵan júıede saqtamaq

NUR-SULTAN. QazAqparat – QR Densaýlyq saqtaý vıtse-mınıstri Oljas Ábishev «Tsıfrlyq densaýlyq saqtaý keńistiginde obektilik sáıkestendirgishti berý týraly» erejeni bekitti, dep habarlaıdy QazAqparat mınıstrliktiń baspasóz qyzmetine silteme jasap.

Baspasóz qyzmetiniń málimetinshe, atalmysh qujat medıtsınalyq aqparattyq júıeler ózara kommýnıkatsııa kezinde almasatyn aqparattyń maǵynasyn birdeı túsinýdi qamtamasyz etedi.

Aıta keterligi, obektilik sáıkestendirgish – bul obektilerdi álemdik mekenjaı keńistiginde sáıkestendiretin aqparattyq júıeniń obektisimen baılanysty tsıfrlardyń biregeı jıyntyǵy.
Ereje Densaýlyq saqtaý mınıstrliginiń obektilerin ISO 9834 halyqaralyq standartynyń talaptaryna saı tirkeýdiń ıerarhııalyq qurylymyn, atap aıtqanda, obektilik sáıkestendirgishti tirkeý, júrgizý, paıdalaný rásimin retteıdi. Usynylǵan jańa ereje bir platformada medıtsınalyq derekterdi biryńǵaı ortalyqtandyrylǵan júıede saqtaýǵa múmkindik beredi. ıAǵnı, bul úlken derekterdi qosymsha óńdeýsiz almasýǵa jol ashady.
Qujattyń tolyq mátinimen myna siltemede tanysýǵa bolady.