DSM Qytaı men Amerıkaǵa baratyn qazaqstandyqtardy abaı bolýǵa shaqyrdy
ASTANA. 15 qańtar. QazAqparat - Búginde Qytaı men Amerıkada tumaý dertiniń órship ketýine baılanysty ol jaqqa baratyn qazaqstandyqtar asa saq bolýy tıis.
Astanada ótken baspasóz máslıhatynda QR Bas memlekettik sanıtarlyq dárigeri Jandarbek Bekshın osylaı aıtty.
Onyń sózine qaraǵanda, AQSh-ta jedel respıratorlyq vırýstyq ınfektsııalar men tumaýǵa shaldyqqandardyń sany 4-10 esege ósip, Boston men Nıý-Iorkte tótenshe jaǵdaı jarııalanǵan. Ulybrıtanııada da tumaý órship keledi. Sondaı-aq kórshi Reseıdiń keıbir aımaqtarynda jedel respıratorlyq vırýstyq ınfektsııalardyń qaýpi joǵary bolyp tur. «Sondyqtan biz osy elderge baryp júrgen qazaqstandyq týrıster men bıznesmenderge asa saq bolýǵa keńes beremiz», - deıdi J.Bekshın.
