DSM koronavırýspen kúresken dárigerlerdiń ótemaqysy máselesine qatysty onlaın jumys tobyn qurdy
Elimizde 12 830 medıtsına qyzmetkeri koronavırýs ınfektsııasy men pnevmonııa juqtyrǵan, óńirlerdegi komıssııa 8 333 ótinishti qarap, onyń 5 626-syn rastady, al 3 603 medıtsına qyzmetkeri ústemaqy aldy.
«Elimizdiń barlyq óńirinde ótemaqy tóleý isi baıaý júrýde. Óıtkeni medıtsına qyzmetkerlerine tólemderdi rásimdeý kezinde kóptegen zańbuzýshylyqqa jol beriledi. Mysaly, aımaqtar Densaýlyq saqtaý mınıstrliginiń aqparattyq bazasyna 958 ótinimdi múldem engizbegen, al óńirler bergen málimetterdiń sapasyz bolýyna baılanysty 567 ótinim Densaýlyq saqtaý mınıstrliginiń aqparattyq júıesine qabyldanbady», delingen habarlamada.
Keri qaıtarylǵan ótinim, ásirese, Atyraý oblysynda kóp – 188, ShQO – 151, Almaty qalasynda – 97, Almaty oblysynda – 52, Qyzylorda oblysynda – 37, Nur-Sultan qalasynda - 22 tirkeledi.
Kóbine dıagnoz statsıonarlyq naýqastardyń elektrondy tirkeliminde tabylmaǵan jáne qujattar tolyq emes. MÁSQ tarapynan 265 ótinish qabyldanbaǵan.
Qaıtys bolǵan medıtsına qyzmetkerleriniń otbasyna ótemaqy tóleý máselesine kelsek. Óńirlik komıssııalar 80 ótinimdi qarap, 55-in maquldady, derekter tolyq bolmaǵandyqtan olardyń 12-sin Densaýlyq saqtaý mınıstrligi men Eńbek mınıstrligi qabyldamady.
«Memleket basshysynyń áriptesterimizge ótemaqy tóleý jónindegi tapsyrmasyn sapaly júzege asyrýǵa kedergi keltiretin birqatar ózekti problema bar ekenin biz moıyndaımyz», - dedi Densaýlyq saqtaý mınıstri.
Sonymen qatar, elimizde maýsym-shilde aılarynda aýrý sharyqtaý shyńyna jetti, dál osy kezeńde medıtsına qyzmetkerleriniń 75% syrqattanyp qaldy. Biraq adam resýrstarynyń lımıti bizge ınfektsııany ýaqtyly tekserýge múmkindik bermedi. Qajetti qujattar kesh engizilgen.
Klınıkalyq hattamalardyń jıi tolyqtyrylýyna baılanysty - 13 ret qaıta qaraldy, koronavırýs ınfektsııasynyń vırýstyq yqtımal jaǵdaıyn (PTR -) kodtaýdyń biryńǵaı tásili bolmady. Sondaı-aq, SES mamandarynyń jetispeýshiliginen epıdemıologııalyq tekserý júrgizý kezinde juqtyrý kózin anyqtaýda qıyndyqtar boldy jáne banktik shottar, JSN, tólqujat derekteri qate toltyrylǵan, aqparattyq júıelerge ótinim tolyq usynylmaǵan.
Densaýlyq saqtaý mınıstrligi joǵaryda atalǵan máselelerdi sheshý úshin onlaın jumys tobyn qurdy, MÁSQ-men birlesip tıptik qatelerdi taldaý boıynsha keńes ótkizdi, sondaı-aq biz aýrýlardy kodtaý ádisin taǵy da túsindirdik. Osynyń barlyǵy MÁSQ deńgeıinde qabyldanbaǵan ótinimder sanyn eki esege qysqartýǵa múmkindik berdi.
