DSM: Keı óńirler karantın nysandaryndaǵy medqyzmetkerlerdiń demalý sharttaryn oryndamaı otyr
«Prezıdent janyndaǵy tótenshe jaǵdaıdy qamtamasyz etý jónindegi memlekettik komıssııanyń 3 sáýirdegi otyrysy hattamasynyń (№9 hattama) sheshimine sáıkes oblystardyń, Nur-Sultan, Almaty jáne Shymkent qalalarynyń ákimdikterine ınfektsııamen kúreske qatysatyn barlyq qyzmetkerlerdi «karantınge» kóshirý týraly nusqaý berilgen. Medıtsınalyq qyzmetkerler tamaqpen, turmystyq qajettiliktermen, kólikpen qamtamasyz etilýi kerek. Alaıda 10 sáýirdegi jaǵdaı boıynsha bul talaptardy oryndamaǵan óńirler de bar», - dep habarlaıdy mınıstrlikten.
Habarlanyp otyrǵandaı, ınfektsııalyq statsıonarlar boıynsha aımaqtardyń málimetine sáıkes, medıtsınalyq personaldyń 100 paıyzy 8 aımaqta medıtsınalyq mekemede jáne úıde qalyp otyr. Olar: Aqmola, Almaty, Atyraý, Shyǵys Qazaqstan, Qostanaı, Qyzylorda, Mańǵystaý, Túrkistan oblystary. Memlekettik komıssııanyń sheshimi ishinara 4 oblysta oryndalsa (Qaraǵandy oblysy, Nur-Sultan, Pavlodar, Shymkent), tolyq sheshimdi 5 aımaq júzege asyrǵan (Aqtóbe, Jambyl, BQO, Soltústik Qazaqstan, Almaty).
Provızorlyq statsıonarlarda medıtsınalyq personaldyń 100 paıyzy 3 oblystaǵy medıtsınalyq uıymdarda jáne úıde oblysta (Atyraý, Jambyl, Qyzylorda) qalyp otyr. Memlekettik komıssııanyń sheshimin 12 aımaq ishinara (Aqtóbe, Aqmola, Almaty, Shyǵys Qazaqstan, BQO, Qostanaı, Mańǵystaý, Túrkistan, Qaraǵandy, Pavlodar, Nur-Sultan, Shymkent), tolyǵymen 2 aımaq (Soltústik Qazaqstan oblysy, Almaty) iske asyrǵan.
Karantındik aýrýhanalarda medıtsınalyq personaldyń 100 paıyzy 10 oblysta medıtsınalyq uıymdarda jáne úıde (Almaty, Atyraý, Shyǵys Qazaqstan, Jambyl, Batys Qazaqstan, Qostanaı, Qyzylorda, Soltústik Qazaqstan, Shymkent, Nur-Sultan) qalýda. Memlekettik komıssııanyń sheshimi ishinara 6 (Aqmola, Aqtóbe, Qaraǵandy, Mańǵystaý, Pavlodar, Túrkistan) oblysta, tolyqtaı Almatyda ǵana oryndalǵan.