DSM-ge jazda aýyl balalarynyń densaýlyǵyna skrınıng jasaý tapsyryldy

ASTANA. QazAqparat – Úkimet basshysy Álıhan Smaıylov Densaýlyq saqtaý mınıstrligine jazda aýyl balalarynyń densaýlyǵyna skrınıng jasaý tapsyrdy, dep habarlaıdy QazAqparat tilshisi.

«Densaýlyq saqtaý mınıstrligi shalǵaı eldi mekenderde balalardyń densaýlyǵyna skrınıng jasaý, stomatologııalyq tekserý júrgizý úshin jyljymaly medıtsınalyq pýnkterdiń jumysyn uıymdastyrýǵa tıis», - dedi ol.

Sondaı-aq Álıhan Smaıylov qoǵamdyq oryndarda balalardyń tamaqtaný sapasyn baqylap, tamaqtaný jáne oıyn-saýyq ortalyqtaryndaǵy sanıtarııalyq jaǵdaıdy qamtamasyz etý mańyzdy ekenin eske saldy.

«Barlyq lagerler medıtsına qyzmetkerlerimen, tıisti pedagogtarmen jáne tárbıeshi kadrlarymen qamtamasyz etilýi qajet», - dedi Premer-Mınıstr.