DSM boljamy: Koronavırýstyń ekinshi tolqynynda qansha adam aýrýy múmkin

NUR-SULTAN. QazAqparat – Koronavırýstyń ekinshi tolqynynda elimizde 50 myńnan astam adam aýrýy múmkin. Bul týraly QR Densaýlyq saqtaý mınıstrliginiń resmı ókili Baǵdat Qojahmetov «Qazaqstan» Ulttyq telearnasynyń «Ashyq alań» baǵdarlamasynda málimdedi, dep habarlaıdy QazAqparat.

«Boljamnyń úsh túri bolady: negatıv, bolýy múmkin ortasha jáne pozıtıv. Qazirgi tańda Densaýlyq saqtaý mınıstrligi jáne Úkimet negatıv boljamǵa daıyn. Eger negatıv boljam oryndalatyn bolsa, onda jaqyn arada Qazaqstanda 50 myńnan astam adam indetke shaldyǵýy múmkin. Sondyqtan onyń aldyn alý úshin barlyq emhanany daıyndadyq. Dári tapshylyǵy máselesi búginde sheshildi. Sondaı-aq, tumaýǵa qarsy ekpe naýqany bıyl eki apta erte bastalady. ıAǵnı, 15 qyrkúıekte bastaımyz. Atalǵan jumystyń nátıjesi, Densaýlyq saqtaý mınıstrliginiń paıymdaýynsha, negatıv boljamdy joqqa shyǵarady», - deıdi QR Densaýlyq saqtaý mınıstrliginiń resmı ókili Baǵdat Qojahmetov.

Budan buryn habarlaǵanymyzdaı, Qazaqstan koronavırýs ınfektsııasynyń ekinshi tolqynyna daıyndalyp, medıtsınalyq jabdyqtar satyp alyp jatyr.

Qazir 185 medıtsınalyq uıymnyń 132-si ǵana rentgen dıagnostıkalyq apparatymen qamtamasyz etilgen, 2020 jyldyń qazanyna deıin olar 100% jabdyqtalady.

Avtor: Álıhan Asqaruly