DSM bes medıtsınalyq anyqtamanyń qaǵaz nusqasyn joıdy

NUR-SULTAN. QazAqparat – QR Densaýlyq saqtaý mınıstrligi 2020 jyly elektrondy úlgige tolyqtaı kóshiriletin qyzmetterdi jarııalady, dep habarlaıdy QazAqparat mınıstrliktiń baspasóz qyzmetine silteme jasap.

«Qazaqstan Densaýlyq saqtaý mınıstrligi Tsıfrlandyrý keńsesi jumysynyń mańyzdy baǵyttarynyń biri – densaýlyq saqtaý jáne ony transformatsııalaý salasynda usynylatyn memlekettik qyzmetterdi elektrondy úlgige kóshirý», delingen habarlamada.

Mınıstrlik 2020 jyly mynadaı qyzmetterdi elektrondy úlgige tolyqtaı kóshirý týraly maqsat qoıǵan:

- Medıtsınalyq-sanıtarlyq alǵashqy kómek kórsetetin medıtsınalyq uıymnan anyqtama berý;

- Statsıonarlyq naýqastyń medıtsınalyq kartasynan kóshirme berý;

- Naýqastarǵa statsıonarǵa emdeýge jatqyzýǵa joldama berý;

- Medıtsınalyq qyzmetterdi tutynýshy retinde qatysýy týraly jáne mindetti áleýmettik medıtsınalyq saqtandyrý júıesine aýdarymdardyń jáne (nemese) jarnalardyń aýdarylǵan somalary týraly aqparat berý;

- Dárilik zattar men medıtsınalyq buıymdardyń qaýipsizdigi, sapasy jáne tıimdiligi týraly qorytyndy berý.

Joǵaryda kórsetilgen qyzmetterdiń barlyǵy taıaýda www.egov.kz elektrondyq úkimet saıtynda bolady.

Sonymen qatar, mınıstrlik 5 medıtsınalyq anyqtamany joıdy.

Sonymen qatar, 2020 jyly DSM Aldyn ala mindetti medıtsınalyq tekserýden ótý týraly anyqtama, kólik quralyn júrgizýge ruqsat berý týraly anyqtama, psıhonevrologııalyq uıymnan anyqtama, narkologııalyq uıymnan anyqtama, týberkýlezge qarsy uıymnan anyqtamanyń qaǵaz túrindegi nusqasy joıyldy.

«Eshqandaı anyqtama bolmaıdy! Kez kelgen azamat memlekettik qyzmet alý úshin medıtsınalyq anyqtamalar avtomatty túrde (azamattyń ruqsatymen) rásimdeledi», delingen habarlamada.

Aıta keterligi, 2019 jyly «Mekenjaı anyqtamasy» toqtatyldy.