DSM: Ambýlatorııaǵa tegin bólingen dáriler dárihana sórelerine shyǵyp jatyr
ASTANA. KAZINFORM — Densaýlyq saqtaý mınıstriniń orynbasary Tımýr Muratov Úkimet otyrysynda jyl aıaǵyna deıin bıologııalyq belsendi qospalardy tańbalaý bastalatynyn aıtty.
Onyń sózinshe buǵan deıingi dárilerdi tańbalaý tásili saladaǵy biraz zańsyzdyqtyń betin ashqan.
— Tańbalaý júıesin engizý dárilik zattardyń aınalym ashyqtyǵyn arttyryp, olardyń bólshek saýdasynda salyq túsimderiniń ósýine oń áser etti. Bıyl bıýdjetke 24 mlrd teńge salyq túsimderin alyp keldi. Tańbalaý júıesiniń kómegimen turǵyndarǵa tegin berilgen ambýlatorııalyq dárilerdiń dárihanalarynda satý faktileri anyqtaldy, — dedi ol.
Mınıstrlik atalǵan zańsyzdyqtardyń sebebin anyqtaý úshin Bas prokýratýra birge jospardan tys tekserýler bastaǵan kórinedi.
Mınıstrlik osyndaı zańbuzýshylyqtarǵa jol bergen sýbektilerge qatysty qatań sharalar qabyldaıdy.
Osy jyldyń jeltoqsan aıynda medıtsınalyq buıymdar men bıologııalyq belsendi qospalardy tańbalaý boıynsha pılottyq jobasy bastalady, — dedi vıtse-mınıstr.
Aıta keteıik, búgin Úkimet halyqty dári-dármekpen qamtamasyz etý jaıyn talqylap jatyr.