«Drýjba» munaı qubyrynyń aqaý shyqqan ýchaskesi qalpyna keltirildi

ASTANA. KAZINFORM – Polshanyń PERN qubyr operatory senbi kúni tústen keıin aqaý shyqqan ýchaskeni qalpyna keltirdi, dep habarlaıdy Kazinform agenttigi operatorǵa silteme jasap. 

— Pern 2024 jyly 1 jeltoqsanda Pnevy qalasynda bolǵan apattan keıin batys gaz qubyrynyń birinshi jelisiniń shtattyq jumysyn qalpyna keltirdi, — delingen habarlamada.

Chehııaǵa reseılik «Drýjba» munaı qubyry arqyly munaı jetkizý qaıta jandanǵanyn buǵan deıin habarlaǵan bolatynbyz. 

Eske sala ketsek, 1 jeltoqsanda qazaqstandyq munaı ótetin «Drýjbada» aqaý shyqty. 

«Drýjba» qubyrynyń Polshanyń batysyndaǵy Pnevy qalasynyń mańyndaǵy ýchaskesindegi qubyrda aqaý bolyp, janarmaı aqqan edi .Oqıǵa kezinde órt nemese jarylys qaýpi tirkelgen joq.

Pern operatorynyń habarlaýynsha, zaqymdanǵan tarmaqta munaı berý toqtatylǵanyn, munaıdy jetkizý tehnıkalyq múmkindikteri tutynýshylardyń kólemdik qajettilikterin tolyǵymen qamtamasyz etetin ekinshi tarmaq boıynsha jalǵastyryldy.

Aıta keteıik, qazaqstandyq munaı eksporty dástúrli túrde Reseı aýmaǵy arqyly Kaspıı qubyr konsortsıýmynyń Novorossııskige deıingi qubyr júıesi arqyly júzege asyryldy. Reseı men Polsha arqyly Germanııaǵa «Drýjba» qubyry arqyly jetkizý 2023 jyldyń aqpan aıynyń sońynda bastaldy. Qazaqstan munaıy qýattylyǵy 2 mln barrel qubyrdyń soltústik tarmaǵy arqyly ótedi.

Buǵan deıin eldiń Energetıka mınıstrligi Qazaqstan 2024 jyldy Germanııaǵa «Drýjba» qubyry arqyly 1,4 mıllıon tonna munaı jetkizý boljamymen aıaqtaıtynyn habarlaǵan.