«Drýjba» munaı qubyryna shabýyl: qazaqstandyq munaıdy jetkizýde qaýip bar ma

ASTANA. KAZINFORM — Energetıka mınıstrligi «Drýjba» munaı qubyryna jasalǵan shabýyldan keıin Qazaqstannyń munaıyn tasymaldaýǵa qatysty resmı túsinik berdi.

— Qazaqstan munaıyn jetkizý «Drýjba» munaı qubyryna jasalǵan shabýyldan zardap shekken joq. Qolda bar aqparatqa sáıkes, qazaqstandyq munaıdy tasymaldaý qalypty rejımde júzege asyrylyp jatyr. Jóneltýshilerden munaı qabyldaý shektelmegen, — degen málimet taratty mınıstrliktiń baspasóz qyzmeti.

Byltyr jeltoqsanda «Drýjba» qubyryndaǵy aqaý shyǵyp, qazaqstandyq munaıdy basqa jeli arqyly tasymaldaǵan edi. 

Keıin «Drýjba» munaı qubyrynyń aqaý shyqqan ýchaskesi qalpyna keltirildi. 

Eske salaıyq, bıyl 17 aqpanda Kaspıı qubyr konsortsıýmynyń munaı aıdaý stansasyna dronmen shabýyl jasaldy.