Droppıng-shemalarǵa qatysqandardyń qylmystyq jaýapkershiligi kúsheıtildi — Bas prokýratýra

ASTANA. KAZINFORM — Qazaqstanda droppıng-shemalarǵa qarsy is-qımyl jańa deńgeıge shyqty, endi qylmystyq jaýapkershilikke tek uıymdastyrýshylar ǵana emes, dropperlerdiń ózderi de tartylady. Bul týraly Bizdin Orta podkastynyń efırinde Bas prokýratýra basqarmasynyń aǵa prokýrory Sultan Battalov málim etti.

Onyń aıtýynsha, buǵan deıin dropperlerdiń áreketi Qylmystyq kodekstiń 28-baby boıynsha qylmysqa qatysýdyń bir túri retinde qarastyrylǵan.

— Endi zańnamaǵa droppıng protsesin uıymdastyrýshylar men dropperlerdiń ózderine qatysty tikeleı qylmystyq jaýapkershilikti kózdeıtin naqty normalar engizildi. Bul mańyzdy qadam, sebebi zańsyz qyzmet túrleri únemi ózgerip, jetildirilip keledi, — dep atap ótti Battalov.

Bas prokýratýra ókilderi atap ótkendeı, zańnamany qataıtý oń nátıjesin bere bastaǵan: jańa quqyqtyq tetikter qarjylyq shemalardy tıimdi túrde toqtatýǵa jáne qylmysqa qatysy bar barlyq tulǵalardy jaýapqa tartýǵa múmkindik beredi.

Droppıng — úshinshi tulǵalarǵa zańsyz qarjylyq operatsııalardy júrgizý úshin óz derekterin nemese bank shottaryn berý. Mundaı shemalar aqshany zańsyz jolmen «jylystatý», alaıaqtyq jáne ózge de qylmystar úshin keńinen qoldanylady.

Buǵan deıin podkastta Ashat Nııazovtyń áreketine quqyqtyq baǵa beriletini jarııalanǵan bolatyn.