«Dropperlerden» zańsyz jolmen ıelengen qarajat óndirildi

ASTANA. KAZINFORM – Prokýratýranyń úılestirýimen polıtsııa organdary jábirlenýshilerge Azamattyq kodekstiń 953-babyna sáıkes «dropperlerden» negizsiz baıýǵa baılanysty alynǵan aqsha qarajatyn óndirip alý mehanızmin túsindirdi. 

«Дропперлерден» заңсыз жолмен иеленген қаражаттар өндірілді
Фото: Pixabay.com

Qazirgi ýaqytta qylmyskerlerdiń «dropperlerdi» qylmystyq maqsatta paıdalanatyn alaıaqtyq faktileri jıiledi. Negizgi shemalarǵa «dropperler» zańsyz jolmen alynǵan aqshany alaıaqtarǵa óz shottary arqyly aýdarady nemese bank kartalaryn beredi, osylaısha naǵyz qylmyskerlerdiń izderi jasyrylady. 

Mysaly, alaıaqtar aldaý arqyly jábirlenýshiniń 3,6 mln teńge somasyndaǵy aqshalaı qarajatyn ıemdengen. Onyń 1,6 mln teńge somasyndaǵy bir bóligi «dropperdiń» shotyna aýdarylǵany anyqtaldy.

Jábirlenýshi Azamattyq kodekstiń 953-baby tártibinde negizsiz baılyqty «dropperden» óndirip alý týraly talap aryzben sotqa júgindi. Sot qaraýynyń nátıjesi boıynsha jábirlenýshiniń talap-aryzy qanaǵattandyryldy. Elordada ótken jyly sot 54,7 mln teńge somasyna 10 talap-aryzdy qanaǵattandyrdy. Aǵymdaǵy jyly sot 22,3 mln teńge somasyna 6 talap-aryzdy qanaǵattandyrdy.

«Dropperlerdiń» alaıaqtyqqa qatysy bar ekeni anyqtalsa, olar sybaılas retinde qylmystyq jaýaptylyqqa tartylady.

Qala prokýratýrasy azamattarǵa ońaı tabys tabý týraly usynystardan saq bolýdy, jeke derekterdi bermeýdi jáne mundaı shemalarǵa qatysýdan bas tartýdy usynady. Osy faktiler boıynsha talap qoıý tártibi týraly aqparat alý úshin polıtsııaǵa nemese prokýratýraǵa habarlasýdy usynyp otyr. 

Buǵan deıin habarlanǵandaı, Bas prokýratýra byltyr «dropperlerden» 1 mlrd teńge óndirip aldy.

 

Сейчас читают