Erli-zaıypty droperlik úshin sottaldy
ORAL. KAZINFORM - Terekti aýdandyq sotynyń úkimimen erli-zaıyptylar dropperlik úshin sottaldy, dep habarlaıdy Batys Qazaqstan oblystyq prokýratýrasynyń baspasóz qyzmeti.
Basasóz qyzmetiniń málimetterine qaraǵanda, olar ózderiniń banktik derekterin úshinshi tulǵalarǵa berý arqyly aqshany zańsyz aýdarý jáne qolma-qol aqshaǵa aınaldyrý shemalaryna qatysqan. Jábirlenýshilerge keltirilgen jalpy shyǵyn 1 mln 460 myń teńgeni qurady.
Úkim zańdy kúshine endi.
Prokýratýra dropperlik qylmystyq jaýaptylyqqa ákep soǵatynyn eske salady, mundaı áreketke qatysqany úshin múlki tárkilene otyryp, bas bostandyǵynan aıyrýǵa deıingi jaza kózdelgen.
Prokýratýra azamattardy qyraǵylyq tanytýǵa jáne banktik derekterin úshinshi tulǵalarǵa bermeýge shaqyrady.
Osyǵan deıin Qyzylordada 5 azamat droperlik úshin qylmystyq jaýapkershilikke tartylǵany týraly jazdyq.
