Dronnyń kesirinen Japonııa áýejaıy jumysyn toqtatty
NUR-SULTAN. QazAqparat – Senbi kúni Japonııanyń batysyndaǵy Kansaı áýejaıynyń ushý-qoný jolaǵy aspanda pılotsyz ushý apparatynyń (PUA) paıda bolýyna baılanysty jabyldy, dep habarlaıdy QazAqparat Kyodo agenttigine silteme jasap.
Bul – bir apta ishinde qaıtalanyp otyrǵan osyndaı ekinshi oqıǵa. Birinshisi 7 qarashada oryn alǵan, ol kúni Halyqaralyq áýejaıdyń ákimshiligi dronnyń kesirinen ushý-qoný jolaǵyn jabýǵa májbúr boldy. Sonyń saldarynan 30-ǵa jýyq reıs keıinge shegerilgen.
Áýejaıdyń qaýipsizdik qyzmeti polıtsııamen birge PUA qozǵalysynyń traektorııasyn jáne onyń ıesin anyqtaý úshin baqylaý kameralarynyń jazbalaryn taldaıdy. Sondaı-aq, juma kúni bılik ókilderdi tokııalyq Haneda men Narıtten keıingi Japonııadaǵy tasymal kólemi boıynsha úshinshi-Qansaı áýejaıy aımaǵynda qaýipsizdik sharalary kúsheıtiletindigin málimdedi. Jyl saıyn Kansaıdy 28 mln-ǵa jýyq jolaýshy paıdalanady.
