Drondardyń kesirinen Londondaǵy Gatvık áýejaıynda 10 myń adam jolynan qaldy
ASTANA. QazAqparat - Londondaǵy Gatvık áýejaıynda jazǵy alańnyń ústinde drondar paıda bolǵandyqtan, ushý-qoný jolaǵy jabyldy, dep habarlaıdy QazAqparat VVS-ge silteme jasap.
Ondaǵan reıs toqtatyldy. Gatvıkke ushyp kele jatqan ushaqtar basqa baǵytqa - Londonnyń Hıtroý jáne Lýton áýejaılaryna, sondaı-aq Manchester, Kardıff, Parıj, tipti Amsterdam áýejaılaryna jiberilip jatyr.
Sońǵy derekterge qaraǵanda, drondardyń kesirinen 10 myńǵa jýyq adam jolynan qalǵan.
Gatvık áýejaıynyń operatsııalyq dırektory Krıs Výdrýftyń sózine qaraǵanda, áýede jurt kórgen sońǵy drondy izdep jatyr.
Olardy ushyrǵandar áli tabylǵan joq.
