Drondar, tikushaqtar jáne ǵaryshtyq baqylaý: «Qarasora» operatsııasynyń nátıjesi jarııalandy
ASTANA. KAZINFORM – Іshki ister mınıstrligi esirtkiniń zańsyz aınalymyna qarsy «Qarasora — 2026» respýblıkalyq jedel-profılaktıkalyq is-sharasyn jalǵastyryp jatyr.
— Maýsym aıynan bastap qarasora ósetin óńirlerde qarqyndy jumys júrgizilýde. Operatsııaǵa polıtsııa qyzmetkerleri, Іshki ister mınıstrliginiń Ulttyq ulany men Qorǵanys mınıstrliginiń áskerı qyzmetshileri qatysyp jatyr.
Sonymen qatar tikushaqtar, drondar jáne Jerdi ǵaryshtan baqylaý tehnologııasy qoldanylyp otyr. Shý óńiri erekshe nazarda. Munda drondardyń kómegimen jabaıy qarasoranyń ondaǵan oshaǵy anyqtalyp, joıyldy.
Sondaı-aq qyzmettik ıtter men kınologtar táýlik boıy qyzmet atqarýda. Olar avtojoldarda, temirjol obektilerinde jáne esirtki tasymaldanýy múmkin baǵyttarda tekserý júrgizýde. Operatsııa barysynda qyzmettik ıtterdiń kómegimen 90 esirtki qylmysynyń joly kesilip, 550 kılogramǵa jýyq túrli esirtkiniń zańsyz aınalymǵa túsýine jol berilmedi.
«Qarasora» operatsııasy esirtki qylmysyna qarsy kúrestegi tıimdiligin dáleldeýde. Zamanaýı tehnologııalar men keshendi sharalardyń arqasynda qoıylǵan mindetter nátıjeli oryndalýda.
«Zań men Tártip» qaǵıdaty aıasynda Іshki ister mınıstrligi azamattardyń densaýlyǵyn qorǵaý jáne qoǵamdyq qaýipsizdikti nyǵaıtý baǵytyndaǵy jumystaryn aldaǵy ýaqytta da júıeli túrde jalǵastyrady, — dedi ІІM esirtki qylmysyna qarsy is-qımyl komıteti tóraǵasynyń orynbasary Eldar Ábdikenov.
Aıta ketelik Jambyl oblysynda esirtki satpaq bolǵan turǵyn ustalǵan edi.
