Drondar men JI: qysqy Olıpıadada qandaı joǵary tehnologııalar qoldanylyp jatyr
MILAN.KAZINFORM – Zamanaýı tehnologııa Italııanyń Mılan jáne Kortına-d’Ampetstso qalalarynda ótip jatqan XXV qysqy Olımpıada oıyndarynyń joǵary deńgeıde ótýine óz úlesin qosyp jatyr.
olympics.com saıtynyń habarlaýynsha, Olympic Broadcasting Services (OBS) drondar men jasandy ıntellektimen jumys isteıtin 360 gradýstyq keskindi qaıta oınatý tehnologııasynan bastap, kınematografııalyq jáne vırtýaldandyrylǵan óndiris ádisterin paıdalanyp, telekórermenderge 2026 jylǵy qysqy Olımpıada oıyndaryn eń ınnovatsııalyq jáne ımmersıvti tikeleı efır usynyp otyr.
OBS kompanııasy Mılan-Kortına Olımpıadasynyń ashyq aspandaǵy jáne jabyq keshendegi sport túrlerinde barlyǵy 25 dron, onyń ishinde 15 birinshi jaqtan kórý (FPV) drony qoldanylyp otyr.
OBS kompanııasynyń bas dırektory ıAnnıs Ekzarhostyń aıtýynsha, tehnologııalar kórermenderdiń sporttyq jarysty tereń sezinýine múmkindik beredi. Sondaı-aq, bul sportshylar úshin qaýipsiz ekenin basa aıtty.
- Eń mańyzdysy qaýipsizdikti qamtamasyz etý jáne sportshylardyń ózderi bul ıdeıany qabyldap, ózderin jaıly sezingenine kóz jetkizý boldy. Olar qatty qýandy. Biz olardy qoldanatyn árbir sport túri úshin Halyqaralyq federatsııalarmen birlesip birqatar synaq júrgizip, barlyq sportshylarǵa drondardy tanystyrdyq,- dep túsindirdi Ekzarhos.
Onyń aıtýynsha, jasandy ıntellekt (JI) tehnologııasy Mılan qysqy Olımpıada oıyndarynda da odan ári jetildirildi. Beıjiń qysqy Olımpıadasynda alǵash ret qoldanylǵan 360 gradýstyq keskindi qaıta oınatý tehnologııasy qazir osy qysqy Olımpıada oıyndarynyń barlyq jarystaryna engizildi. JI tehnologııasy sonymen qatar mánerlep syrǵanaýshylarynyń boıy, jyldamdyǵy jáne aınalý sany sııaqty sportshylardyń dál derekteri men 3D qozǵalys keskinin jasaı alady.
Sınhýa agenttiginiń habarlaýynsha, OBS seriktesi Alibaba qoldaýymen qyzmetkerleri úshin naqty ýaqyt rejımindegi oqıǵalardy taldaý platformasyn da ázirledi. Bul platforma naqty ýaqyt rejıminde matchtardyń qysqasha mazmunyn jasaı alady jáne beıne, aýdıo, túsiniktemeler jáne derekter mazmuny negizinde árbir matchtyń mańyzdy sátterin bólip kórsete alady.
Sonymen qatar, osy Olımpıada qazaqstandyq telekórermender Photo-finish tehnologııasynyń mańyzdylyǵyn aıqyn sezindi. Otandasymyz Abzal Ájiǵalıev short-trekten 500 metrge júgirýde ıtalııalyq qarsylasymen márege bir ýaqytta jetti. Qortyndysynda, Photo-finish tehnologııasy Abzaldyń máre syzyǵyn birinshi keskenin anyqtady.
Eske salaıyq, XXV qysqy Olımpıada oıyndary 6-23 aqpan aralyǵynda Italııanyń Mılan jáne Kortına-d’Ampetstso qalalarynda ótedi.
Bul qysqy Olımpıada oıyndaryna Qazaqstan quramasynyń sapynda 36 sportshy qatysady.
