Drondar qutqarýshylardyń jumysyn aıtarlyqtaı jeńildetedi - mınıstrlik
ASTANA. KAZINFORM – Drondar men teplovızorlar sııaqty tehnologııalar QR Tótenshe jaǵdaılar mınıstrligi jumysynyń ajyramas bóligine aınaldy, dep habarlaıdy mınıstrliktiń baspasóz qyzmeti.
Baspasóz qyzmetiniń málimetterine qaraǵanda, búgingi tańda vedomstvo ıeliginde tótenshe jaǵdaılardy baqylaý jáne adamdardy izdeý úshin belsendi qoldanylatyn 134 ártúrli ushqyshsyz ushý apparaty bar.
Ushqyshsyz ushý apparattary joǵary utqyrlyqqa ıe jáne qıyn jaǵdaılarda jumys isteı alady, olar tótenshe jaǵdaılardyń aýqymyn baǵalaýda da paıdalanylady. Olar qalyń ósken ósimdikter nemese taýly aımaq bolsyn, ásirese jetýi qıyn jerlerde paıdaly, ol jerlerde dástúrli izdeý ádisteri tıimsiz bolýy múmkin. Mundaı jaǵdaıda teplovızorlary bar drondar qutqarýshylar úshin mańyzdy kómekshi bolady. Olar adamdardy tipti qarańǵy ýaqytta nemese janýdyń jasyryn oshaqtary jaǵdaıynda tabýǵa múmkindik beredi.
Teplovızorlar izdeý-qutqarý jumystarynda erekshe ról atqarady. Olar jasyryn órt oshaqtaryn anyqtap qana qoımaı, apattardyń aldyn alý úshin óte mańyzdy, órttiń taralýyn tez arada boldyrmaýǵa múmkindik beredi. Teplovızorlardyń kómegimen órt oryndaryn tez oqshaýlap, olardy sóndirýge kúsh salýǵa bolady.
Tótenshe jaǵdaılarda tikeleı jumys isteýden basqa, bul tehnologııalar aldyn alý úshin belsendi qoldanylady. Mysaly teplovızorlary bar ushqyshsyz ushý apparattary qysta sý obektilerin patrýldeý kezinde paıdalanylady. Olardyń arqasynda túnde qaýipti juqa muzǵa shyqqan 200-den astam balyqshy tabyldy. Bul qaýip-qaterdiń aldyn alyp, adam ómirin ýaqytynda qutqaryp qaldy.
Bolashaqta daýysty qulaqtandyrý fýnktsııasymen jaraqtalǵan ushqyshsyz ushý apparattar parkin keńeıtý josparlanýda. Bul jetýi qıyn jerlerde qutqarý jumystarynyń tıimdiligin arttyrady. Tehnologııa damýyn jalǵastyrýda, jyl saıyn qutqarylǵan adamdardyń sany tek artady.
Ushqyshsyz ushý apparattary men teplovızorlar sııaqty zamanaýı quraldar bizdiń qoǵamdy qaýipsiz etedi, eń qıyn jaǵdaılarda adam ómirin qutqarýǵa kómektesedi.
Osyǵan deıin elimizdiń Tótenshe jaǵdaılar mınıstligi 120 mln teńgelik órt sóndirgish dron áli synaqtan ótip bolmaǵanyn habarlaǵan edi.