Dron shabýyly: Máskeýge baǵyt alǵan ózbekstandyq ushaqtar basqa áýejaılarǵa jiberildi

TAShKENT. KAZINFORM – Máskeý qalasyna jáne oblysyna jasalǵan dron shabýylyna baılanysty Ózbekstannan Reseı astanasyna baǵyt alǵan birqatar ushaq qoný úshin ózge áýejaılarǵa jiberildi, dep habarlaıdy Kazinform agenttiginiń menshikti tilshisi.

Uzbekistan Airways kompanııasynan málim etkendeı, myna baǵytta reıs oryndaǵan ushaqtar kelesi áýejaılarǵa qonýǵa jiberildi:

- Buhara-Máskeý - Samaraǵa;

- Tashkent-Máskeý - Sankt-Peterbýrgke;

- Úrgenish-Máskeý - Pýlkovoǵa;

- Tashkent-Máskeý – Úrgenish áýejaıyna baǵyttaldy.

- Shekteýler alynǵan soń barlyq reıster negizgi marshrýt boıynsha oryndalady. Bul rette avıakompanııanyń kelesi reıster kestesine de ózgeris engiziledi, - delingen kompanııa taratqan habarlamada.

Eske salaıyq, buǵan deıin Eýropaǵa baǵyt alǵan ózbekstandyq ushaqtar Reseıdi aınalyp ótip jatqanyn jazyp edik. Búǵan Eýropalyq avıatsııalyq qaýipsizdik agenttiginiń nusqaýy sebep bolǵan.