Dron Petra qalasynda kóne eskertkishti tapty (FOTO)
ASTANA. QazAqparat - Arheologtar kóne Petra qalasynda uzyndyǵy olımpıadalyq basseınmen birdeı eskertkishti tapty. Kóne jurtty eskertkishti sıpattaıtyn ǵylymı eńbek Bulletin of the American Schools of Oriental Research jýrnalynda jarııalanǵan. Onyń sýretteri National Geographic saıtynda ornalastyryldy.
Petra - bizdiń dáýirimizge deıin V ǵasyrda salynyp, qazirgi Iordanııanyń aýmaǵynda ornalasqan kóne qala. Petra ıÝNESKO-nyń dúnıejúzilik murasy tizimine engizilgen.
Arheologtar Sara Parkak (Sarah Parcak) pen Krıstofer Tattl (Christopher Tuttle) osy aýmaqta bıikten túsken spýtnık sýretterin, dron kómegimen alynǵan aerofotosýretterdi paıdalanyp kóne ǵımarat ornyn tapty. Sondaı-aq ony egjeı-tegjeıli sıpattaý úshin, arnaıy zertteýler júrgizdi.
Tabylǵan eskertkishtiń uzyndyǵy 56 metrge jýyq jáne eni 49 metr tórt taǵandy qurylys.
Onyń ústinde kólemi 8,5*8,5 metrlik usaq platforma tur. Ǵalymdardyń pikirinshe, ol kezinde ǵımarat bolǵan. Іri platformanyń shyǵys jaǵynda oǵan aparatyn baspaldaqtyń sońynda ornalasqan kolonnalardyń izderi tabyldy.
