Dron alǵash ret sýǵa aǵyp bara jatqan balalardy qutqardy
ASTANA. QazAqparat - Avstralııa jaǵalaýlarynda ushqyshsyz ushatyn qurylǵy sýǵa aǵyp bara jatqan eki jetkinshekti qutqardy, dep jazady VVS.
15 jáne 17 jastaǵy jasóspirimder Ońtústik Ýels shtatynyń Lennoks-Hed jaǵajaıynan qaýipti aýmaqqa ótip ketken. Olar jaǵalaýdan 700 metr alystap ketip, bıiktigi 3 metr bolatyn tolqyndarǵa tap bolǵan. Olardy alǵash bolyp demalýshylar baıqaǵan.
Qutqarýshylar birden dronnyń kómegine júgingen. Dron sýǵa aǵyp bara jatqandardyń ústinen qutqarý quraldaryn tastaǵan. Sonyń arqasynda jasóspirimder jaǵaǵa aman-esen jetken.
Ońtústik Ýels shtatynyń premer-mınıstriniń orynbasary Djon Barılaro bul oqıǵany tarıhı dep atady.
«Buǵan deıin eshqashanda adamdardy qutqarý jumystaryna dron paıdalanylmady. Bul alǵash ret boldy», - dedi ol.
