Drinkit-te Neırobarısta paıda boldy
ALMATY. KAZINFORM — Drinkit kofehanalar jelisindegi Neırobarısta klıenttiń kóńil-kúıi men talǵamyn eskere otyryp, sýsyndy jeke ázirleıdi. Neırobarısta ázirleıtin kofeni Qazaqstandaǵy Drinkit kofehanalarynda qazirdiń ózinde baıqap kórýge bolady. Bul sheshim Yandex Cloud tehnologııalary negizinde jumys isteıdi.
Neırobarısta qonaqtarǵa talǵamy men kóńil-kúıine qaraı sýsyn ázirleýge kómektesedi. Mobıldi qosymshada qandaı sýsyndy qalaıtynyńyzdy sıpattaý jetkilikti — soǵan qarap Neırobarısta biregeı retsept usynady. Mysaly, jumys kúnin jaqsy aıaqtaýǵa arnalǵan sýsyndy, demalystyń tátti dámin eske túsiretin kofeni nemese belsendi jattyǵýdan keıin sergitetin sýsyndy suraýǵa bolady.
Odan keıin qonaq sýsynǵa birden tapsyrys bere alady nemese ıngredıentterdi óz qalaýynsha ózgertýine alady: kofeındi nemese qantty alyp tastaýǵa, proteın qosýǵa, espresso portsııalarynyń sanyn kóbeıtýge, toppıng tańdaýǵa bolady.
Neırobarıstamen qazaq, orys jáne aǵylshyn tilderinde sóılesýge bolady, Drinkit qosymshasyna da osy tilder engizilgen.
Sheshim JI-agentter men qosymshalar ázirleýge arnalǵan Yandex Cloud platformasy — Yandex AI Studio negizinde jumys isteıdi. Qazirdiń ózinde kompanııalar AI Studio-nyń kómegimen túrli bıznes tapsyrmalarǵa arnalǵan 50 myńnan astam JI-agent ázirledi. Al kún saıyn platformada 500-den astam jańa kómekshi daıyndalady.
— Jekeleý — Drinkit brendi qurylǵannan bergi negizgi qaǵıdattyń biri. Búginde jelimizdegi tapsyrystardyń jartysynan kóbi qonaqtardyń jeke qalaýyna qaraı beıimdeledi. Neırobarısta bul tájirıbeni jańa deńgeıge kóterip otyr. Ol qoldanystaǵy sýsyndardyń erekshe úılesýin ǵana emes, ıngredıentterdiń múlde jańa kombınatsııalaryn da usyna alady. Bul biz úshin qonaqtarmen tyǵyz qarym-qatynasty odan ári yńǵaıly ári shyn máninde jeke baılanysý jolyndaǵy taǵy bir qadam, — deıdi Drinkit CBDO Vıtalıı Kalının.
— Generatıvti JI kompanııalarǵa paıdalanýshylarmen ózara árekettesýdiń múlde jańa stsenarıılerin qurýǵa múmkindik beredi. Mysaly, ıngredıentterdi konstrýktor arqyly tańdaýdyń ornyna, Neırobarıstamen sóıleskende, kádimgi adammen sóıleskendeı, qalaýyńyzdy qarapaıym sózdermen sıpattaý jetkilikti. Bul rette qonaq qarapaıym ári yńǵaıly servısti tutynady, al bızneske mol shyǵynsyz jáne shtatqa kóptegen ML-mamandardy qajet etpeı, JI-agentin ázirleýge múmkindik beretin qoljetimdi qural usynylady, — dep atap ótti Yandex Cloud-tyń Qazaqstan jáne Ortalyq Azııadaǵy bas dırektory Arystanbek Joldasbekov.
