Drıft jasap, otshashý atqan: Jambylda 22 jastaǵy jigit qamaýǵa alyndy
ASTANA. KAZINFORM — Jambyl oblysynda qoǵamdyq tártipti buzǵan azamat jazalandy, dep habarlaıdy QR ІІM baspasóz qyzmeti.
Jambyl oblysynda beınebaqylaý kameralary arqyly túngi ýaqytta qoǵamdyq tártipti buzǵan azamat anyqtaldy. Er adam ortalyq kóshelerdiń birinde drıft jasap, qoǵamdyq orynda otshashý atqan. Osy árekettermen ol turǵyndardyń tynyshtyǵyn buzyp, jol qurylystaryna zaqym keltirý qaýpi týyndaǵan.
— Polıtsııa qyzmetkerleri tez arada 22 jastaǵy jigitti anyqtap, oǵan qatysty QR ÁQBtK-niń birden úsh baby boıynsha shara qabyldady. Osylaısha quqyq buzýshy Dııarbek Qonarbaev sot qaýlysymen 5 táýlikke ákimshilik qamaýǵa alyndy, — deıdi tártip saqshylary.
Polıtsııa azamattardy qoǵamdyq tártipti saqtaýǵa, túngi tynyshtyqty buzbaýǵa jáne jol qozǵalysy qaýipsizdigi talaptaryn qatań saqtaýǵa shaqyrady.
Buǵan deıin ІІM aýlada otshashý uıymdastyrýǵa baılanysty qaýipsizdik talaptaryn eskertti.
