Drezden mýzeıinen 1 mlrd eýro turatyn hanshaıymnyń áshekeıleri urlandy
NUR-SULTAN. QazAqparat – Germanııanyń Drezden qalasyndaǵy «Altyn qor» mýzeıinen sakson hanshaıymynyń asa qundy áshekeı buıymdary urlandy, dep habarlaıdy QazAqparat euronews.com-ǵa silteme jasap.
Eki ury mýzeıge basa kóktep kirip, birinshi qabattaǵy terezeniń torkózin aramen kesip, vıtrınada turǵan áshekeı buıymdardy qoldy etkeni beınekameraǵa túsip qalǵan. Qaraqshylar jeńil kólikke minip izin sýytqan. Polıtsııa birneshe mınýtta oqıǵa ornyna jetip keldi.
Urlyq bolardyń aldynda ǵana mýzeıge jaqyn jerde órt bolyp, aýdanda elektr qýaty óshirilgen. Polıtsııanyń aıtýynsha, qylmyskerler osy arqyly tártip saqshylarynyń nazaryn aýdaryp, mýzeıdegi dabyl júıesin óshirgen bolýy múmkin.
Tarıhı mańyzy zor bolǵandyqtan, áshekeı buıymdardyń qunyn dóp basyp aıtý qıyn. Biraq Bild gazetiniń jazýynsha, 1 mıllıard eýroǵa jýyq shyǵyn kelgen.
«Altyn qor» - Drezdenniń tanymal mýzeıleriniń biri. Onyń kórme zaldarynda úsh myńnan astam jádiger saqtaýly.
