Drezden qalasynda násilshildikke qarsy ótken sharaǵa 35 myń adam qatysty
ASTANA. QazAqparat - Sońǵy ýaqytta «Eýropanyń ıslamdanýyna» qarsy apta saıyn sherý ótip jatqan Germanııadaǵy Drezden qalasynda ksenofobııa men násilshildikke qarsy taǵy da aktsııa uıymdastyrylyp, oǵan 35 myńǵa jýyq adam qatysty, dep habarlady VVS.
«Batystyń ıslamdanýyna qarsy Eýropa patrıottary» (PEGIDA)uıymy atalǵan qalada sherýlerdi qazan aıynan beri uıymdastyryp keledi. Angela Merkel men Germanııanyń beldi saıasatkerleri azamattarǵa ondaı sherýge barmaý kerektigin eskertti. Islamǵa qarsy sońǵy aktsııaǵa 18 myńǵa jýyq adam jınalǵan.
Al, senbi kúngi ótken atalǵan uıymnyń aktsııasyna Drezden qalasynyń basshysy qatysty. Sherýge qatysýshylar Frantsııada qaza tapqan adamdardy 1 mınýt únsizdikpen eske aldy.
