Dosjan Janbotaev Bakýde ótken túrki áleminiń kınofestıvalinde «Qorqyt ata» syılyǵyna ıe boldy
Qazaqstandyq rejısser Dosjan Janbotaev Bakýde ótken túrki áleminiń kınofestıvalinde «Jambyl» fılmi úshin «Qorqyt ata» arnaıy syılyǵyn aldy, dep habarlaıdy Kazinform AZERTADJ agenttigine silteme jasap.
Túrki áleminiń arnaıy «Qorqyt ata» III kınofestıvaliniń jabylý rásimi «Shýsha - túrki áleminiń 2023 jylǵy mádenı astanasy» jyly aıasynda Geıdar Alıev Ortalyǵynda ótti.
Іs-sharaǵa Baký medıaortalyǵynyń jetekshisi Arzý Alıeva, resmı tulǵalar, túrki áleminiń belgili óner qaıratkerleri men ózge de qonaqtar qatysty.
TÚRKSOI Bas hatshysy Sultan Raev sóılegen sózinde festıvaldan alǵan áserin baıandady.
Ol «Qorqyt ata» III kınofestıvali túrki áleminiń fılmderin nasıhattaýdyń jaqsy múmkindigi ekenin atap ótti.
«Biz bul is-sharanyń uıymdastyrylýyna aldaǵy ýaqytta da qoldaý kórsete beremiz»,-dedi Sultan Raev.
Sóz sońynda ol Ázerbaıjannyń halyq ártisi Fahreddın Manafovqa TÚRKSOI-dyń arnaıy nagradasyn tapsyrdy.
Óz kezeginde ádilqazylar alqasynyń tóraǵasy, Ázerbaıjannyń halyq ártisi Vagıf Mýstafaev festıvaldiń mán-mańyzyna toqtaldy.
Odan ári qonaqtarǵa dokýmentaldy jáne kórkem fılmder baıqaýynyń ádilqazylar alqasynyń músheleri tanystyryldy.
Túrki áleminiń kınematografııa salasyna sińirgen eńbekteri úshin qurmet nagradalarymen Hodjakýlı Narlıev, Maıagozel Aımedova, Charyıar Seıtlıev (úsheýi de Túrikmenstanan), Serdar Gekhan, Metın Gıýnaı (ekeýi de Túrkııadan), Gamıda Omarova, Ogtaı Mırgasymov, Orman Alıev, Agası Mamedlı (Ázerbaıdjan), Fırdavs Abdýhalıkov (Ózbekstan) jáne Azamat Satybaldy (Qazaqstan) marapattaldy.
Ádilqazylar alqasynyń arnaıy syılyǵyna «Jambyl» fılmi úshin qazaqstandyq rejısser Dosjan Janbotaev pen «Árdaıym 33» fılmi úshin túrkııalyq rejısser Murat Paı laıyqty dep tanyldy.
Sondaı-aq jıynda «Úzdik stsenarıı», «Úzdik akter», «Úzdik rejısser», «Úzdik dokýmentaldy fılm», «Úzdik kórkem fılm» atalymdarynyń ıegerleri men ózgeler marapattaldy.
Ázerbaıjannnyń Mádenıet mınıstri Adıl Kerımlı túrki áleminiń «Qorqyt ata» III kınofestıvaliniń mańyzyn joǵary baǵalap, onyń ótkizilýine úles qosqan azamttardyń barlyǵyna alǵys aıtty.
Alǵashqy festıval 2021 jyly Túrkııanyń Ystanbul qalasynda uıymdastyrylǵan, 2022 jyly Býrsada ótti.
Festıvalda Ázerbaıjan, Túrkııa, Ózbekstan, Qazaqstan, Qyrǵyzstan, Túrikmenstan sondaı-aq Gagaýzııa (Moldova), Tatarstan, Saha-ıAkýtııa, Dagestan (Noǵaı aýdany), Kabardın-Balqar, Chývashııa, Qarashaı-Cherkes, Týva men Bashqurtstannan (Reseı Federatsııasy) 32 dokýmentaldy jáne anımatsııalyq fılmder usynyldy.
