«Dosjan temir joly» AQ Dırektorlar Keńesiniń tóraǵasy saılandy

ASTANA. 30 mamyr. QazAqparat - Keshe «Dosjan temir joly» AQ aktsıonerleriniń jalpy otyrysy ótti, onda aktsıonerler AQ-nyń Dırektorlar Keńesiniń tóraǵasy qyzmetine «Qazaqstan ınvestıtsııalyq qory» AQ Basqarma tóraǵasynyń orynbasary Erlan Kenjebekovti saılady.

Bul týraly «Qazaqstannyń ınvestıtsııalyq qory» AQ baspasóz qyzmetinen habarlandy.

«Qazaqstan ınvestıtsııalyq qory» AQ «Dosjan Temir Joly» aktsııalarynyń 48,94%-yn ıemdenedi jáne onyń eń iri aktsıoneri bolyp tabylady. DTJ-nyń ekinshi iri aktsıoneri 46,02% daýysqa túsetin aktsııalary bar «Qazaqstan Temir Joly» UK» AQ bolyp tabylady.

DTJ Shyǵys Qazaqstan oblysynda jańa temirjol joldaryn qurýǵa baǵyttalǵan Qazaqstandaǵy birinshi kontsessııa jobasynyń operatory bolyp tabylady. Kompanııanyń búgingi tańda júıeli túrde jáne jedel sheshýdi qajet etetin birqatar máseleleri bar.

Qazaqstannyń ınvestıtsııalyq qory 100% aktsııasy «Samuryq-Qazyna» UÁQ»-ǵa tıesili damý ınstıtýty bolyp tabylady. Prezıdent Jarlyǵyna sáıkes «Qazaqstan ınvestıtsııalyq qory» AQ-nyń 100% aktsııasy «Báıterek» UBH» AQ-na tapsyrylýy tıis.

DTJ Dırektorlar keńesiniń qaıta saılanǵan tóraǵasy - E. Kenjebekov Almaty qalasynda dúnıege kelgen, Ál-Farabı atyndaǵy Qazaq Ulttyq Ýnıversıtetin «Ekonomıka jáne Menedjment» mamandyǵy boıynsha támamdaǵan. Qazaq, orys jáne aǵylshyn tilderin biledi.

2003 jyldan bastap ekonomıkanyń shıkizattyq emes sektoryndaǵy otandyq jáne sheteldik qarjy uıymdary men kompanııalarynda ár túrli qyzmetterdi, atap aıtqanda: «BTA Bank» AQ aktıvterin qaıta qurylymdaý departamentiniń dırektory, «Qazaqstan Damý Banki» AQ problemaly nesıeler departamentiniń dırektory qyzmetterin atqardy.

2012 jyldan bastap osy ýaqytqa deıin E. Kenjebekov «Qazaqstan ınvestıtsııalyq qory» AQ Basqarma tóraǵasynyń orynbasary bolyp tabylady.