Dosynan shyǵyp, úıine jetpegen: SQO-da 33 jastaǵy jigit izdestirilýde
PETROPAVL. QazAqparat – Soltústik Qazaqstan oblysynda úsh kúnnen beri 33 jastaǵy Aleksandr Kapelıýk izdestirilip jatyr. Ol eki eldi mekenniń arasynda adasyp ketýi múmkin, dep habarlaıdy QazAqparat tilshisi.
Aleksandr Kapelıýk 1989 jyly týǵan, SQO Esil aýdany Aleksandrovka eldi mekeniniń turǵyny. 6 naýryz kúni saǵat 3.30 shamasynda Esil aýdany Pokrovka aýylyndaǵy dosynyń úıinen shyǵyp ketken. Biraq óz úıine jetpegen.
Boıy 162-164 sm shamasynda, qoı kózdi, qoıý sary shashty, sol qulaǵynda úlken meńi bar.
Sol kúni ústinde qara kúrteshe, qarakók tústi djınsy shalbar jáne qara báteńke bolǵan.
Joǵalǵan adam týraly qandaı da bir habar bolǵan jaǵdaıda 8 715 43 2 13 59; 102; 8 776 175 10 04 telefon nómirlerine habarlasýǵa bolady.
Buǵan deıin habarsyz ketken 48 jastaǵy er adamǵa izdeý jarııalanǵanyn aıtqan edik. Ol keıinnen aman-esen tabyldy.
