Dosynan kómek suraǵan er adam sýǵa ketti
ASTANA. QazAqparat - Aqtaýdaǵy 15-shaǵyn aýdan jaǵalaýynda er adam óziniń joldasy men basqa demalýshylardyń kóz aldynda sýǵan aǵyp ketti, dep habarlaıdy tumba.kz.
Qaıǵyly jaǵdaı 6 tamyz keshki saǵat 5-terde bolǵan. Aldyn ala málimetterge qaraǵanda, sýǵa ketken er adam Aqtaýǵa qonaqqa kelgen Reseı azamaty.
Oqıǵa kýágeriniń sózine qaraǵanda, sýǵa ketken er adam jaǵada turǵan joldasynan kómek suraǵan. Alaıda joldasy ony qaljyń dep túsingen.
«Ol sýǵa ketip baramyn dep aıqaılady, bári qas pen kózdiń arasynda boldy. Ol jaǵaǵa jaqyn jerde júrgen bolatyn», - dedi oqıǵa kýágeri.
Oqıǵa ornyna polıtsııa men jedel járdem jetti. Tergeý amaldary júrgizilip jatyr.
