Dosyn shampýrmen óltirgen Oral turǵyny 11 jylǵa sottaldy
ORAL. QazAqparat – Dosynyń júregine shampýr tyǵyp óltirgen Oral turǵynyna sot úkimi shyqty, dep habarlaıdy QazAqparat tilshisi.
BQO qylmystyq ister jónindegi mamandandyrylǵan aýdanaralyq sotynan túsken málimetke qaraǵanda, Zamır Rysmuhambetov QR QK 99-baby 1-bóligine sáıkes aıypty dep tanyldy.
Sot talqysynda anyqtalǵanyndaı, 32 jastaǵy Z.Rysmuhambetov pen 30 jastaǵy jábirlenýshi Artýr Bekjanov ortaq tanystarynyń ulynyń dúnıege kelýine arnalǵan otyrysta bolǵan. Іshimdik ishý barysynda ekeýi bir-birimen sózge kelgen. Aqyrynda Z.Rysmuhambetov shampýrmen A.Bekjanovtyń júrek tusynan bir ret soqqy jasaǵan. Ol sol jerde jan tapsyrǵan.
Іsti qaraǵan sýdıa Shara Zaınýllınanyń aıtýynsha, Z.Rysmuhambetov kinásin ishinara moıyndaǵan. Óltirý oıynda bolmaǵanyn, shampýrdy abaısyzda salyp alǵanyn aıtqan.
Alaıda sottalýshynyń qasaqana óltirýdegi kinási onyń kúdikti retinde bergen jaýaptarymen, sot-medıtsınalyq saraptama qorytyndylarymen, sarapshylardyń, kýálardyń sózderimen, basqa da is materıaldarymen dáleldengen.
Z.Rysmuhambetovtiń qylmysy asa aýyr qylmystar sanatyna jatady. Sondyqtan ol 11 jylǵa bas bostandyǵynan aıyrý jazasyn qaýipsizdigi barynsha joǵary qylmystyq-atqarý júıesi mekemesinde óteýge sottaldy.
Sonymen qatar jábirlenýshilerdiń azamattyq talaptary ishinara qanaǵattandyrylyp, 3 mln teńge moraldyq zalal óndirildi.
Sot úkimi zańdy kúshine engen joq.
