Dosymjan Tańatarov: Qurǵaq sózden arylyp, azamattyq paryzymyzdy oryndaýǵa tıispiz

NUR-SULTAN. QazAqparat – Qurǵaq sózden arylyp, azamattyq paryzymyzdy oryndaýǵa tıispiz.Mundaı pikirdiánshi, QR eńbek sińirgen qaıratkeri Dosymjan Tańatarov bildirdi, dep habarlaıdy QazAqparat tilshisi.

«Bul men qatysyp otyrǵan alǵashqy saılaý emes. Desek te, ereksheligi kóp. Burynǵy saılaýlardan ózgesheligi – ony indet jaılaǵan kezeńde saqtyq sharalaryna moıynsyna otyryp ótkizý.

Búgin azamattyq mindetimizdi oryndap, úmitkerlerge daýys berdik. Sońǵy bir jylda elde taraǵan indetke baılanysty qazir kóp jerge barmaımyz. Degenmen qıyn jaǵdaı týyndaǵanda jeke bastyń emes, eldiń múddesin oılap, №9 saılaý ýchaskesine baryp, keleshek úshin tańdaýymdy jasadym. Atalǵan ýchaskede karantın talaptary qatań saqtalǵan. Erejege saı qyzmet kórsetilýde.

Kózi ashyq, kókiregi oıaý kez-kelgen azamattyń paryzy bolǵannan soń, qurǵaq sózden arylyp, azamattyq paryzymyzdy oryndaýǵa tıispiz», - dedi Dosymjan Tańatarov.

Sondaı-aq, óner ıesi Qazaqstan halqyn tańdaý jasaıtyn sátte tosylmaı, belsendilik tanytyp, daýys berýge shaqyrdy.

Foto: mnews.kz