Dosulan Aıtbaev Aqmola oblysy ákimi apparatynyń basshysy bolyp taǵaıyndaldy
QR Prezıdent Ákimshiliginiń kelisimi negizinde Aqmola oblysy ákiminiń ókimimen Dosulan Aıtbaev Aqmola oblysy ákimi apparatynyń basshysy bolyp taǵaıyndaldy, dep habarlaıdy Kazinform Aqmola oblysy ákimdiginiń baspasóz qyzmetine silteme jasap.
Dosulan Erlanuly Aıtbaev 1985 jyly Qostanaı oblysy Jangeldın aýdanynda týǵan. L.N. Gýmılev atyndaǵy Eýrazııa ulttyq ýnıversıtetin memlekettik jáne jergilikti basqarý mamandyǵy boıynsha bitirgen. Saıasattaný ǵylymdarynyń magıstri.
Eńbek jolyn 2008 jyly Qostanaı oblysy Jangeldın aýdany ákimi apparatynyń bas mamany bolyp bastady.
2008-2010 jyldary Qostanaı oblysynyń Іshki saıasat basqarmasynda jumys istedi.
2010-2013 jyldary Mádenıet jáne aqparat mınıstrliginde qyzmet etti.
2013-2016 jyldary Bilim jáne ǵylym mınıstrliginiń Jastar isteri komıtetinde ártúrli jaýapty qyzmetterdi atqardy.
2016-2020 jyldary Qazaqstan Prezıdentiniń baspasóz qyzmetiniń referenti, konsýltanty, ınspektory keıin sektor meńgerýshisi bolyp jumys istedi.
2023 jyldan bastap qazirgi ýaqytqa deıin Prezıdent Ákimshiligi Kommýnıkatsııalar bóliminiń sektor meńgerýshisi qyzmetin atqardy.
